[bright stars]

المشاركة الأصلية كتبت بواسطة khaled zakareya

طلاب الثانويه العامه .... علمى رياضه
أسعد الله اوقاتكم بكل خير

*(طلاب الهندسه شعبة اعدادي....واسعد اوقاتكم بكل خير)*

هاااااا عاملين ايه فى الرياضه أحلى ماده فى الدنيا كلها

*(شكلك جاي من المريخ ياهندسه)*

لسان حالكم بيقول بلا أحلى ماده بلا نيله منيله بستين خيبه ووكسه على تلاتين جزمه
ههههههههههههههه
*(عندك حق والله)*

طبعا اللى بدأ ميكانيكا وخصوصا ديناميكا حاسس انه شبه اللمبى فيها

*(لمبي مين ياعم صلي عالنبي
احنا محصلناش خالتي فرانسا ام اللمبي)*

عادى جدا جدا أنا أول حصتين ديناميكا قلتلهم فى البيت أنا ححول أدبى
*(خلليني اقول انا كده وهلاقي نفسي مرميه من عالسطح ان شاء الله)*

وفعلا مكنتش بهذر بس صبرت صبرت صبرت صبرت صبرت صبرت صبرت
*(ياصبري يانااا )*
_ انجز يا خفه _
حاضر بعد كل الصبر ده لقيت أن الديناميكا دى عامله زى المنور بالظبط كل الشقق منفده عليه
*(الله ينور علييك اول مره تقول كلام يدخل المخ)*
أهووو جاى يألش علينا وطالع
لا والله م ألش فعلا كل ما تمشى فى الديناميكا حتلاقوها كلها بتكمل بعض
*(بتكمل بعض؟ ياعم قول بتعكنن خليك صريح)*

معادلات الحركه ( مهمه جدا )^20 من غيرها حول زراعه أحسنلك ... مفيش مسأله فى الديناميكا مفيهاش معادلات حركه
*(شكرا عالنصيحه)*

أصبر عليها والله حتبقى بالنسبه لك أسهل فرع من ال 6
*(ياحلاوه طيب وبقيت السته؟)*

طبعا الجبر ده لعب عيال .. تحس انك بتهذر وانت بتذاكره .. كلاام فاضى جدا حفظ يعتبر
*(علي رأيك والله كفايه بس نظرية ذات الحدين
زي العسل علي قلبي والله)*

التفاضل برده رخم لحد ما ... معدلات زمنيه بقى وشغل عالى ... متخفش سهله والله بس اهم حاجه تكون فاهم كويس جدا ... لو فاهم حتعرف تحل الدنيا

*( فاهم؟ شكلك بتشتمنا ياهندسه)*

التكامل ده اعبط من العبط مفيهوش حاجه
الاستاتيكا برده حلوه لذيذه مسائلها بتتكرر من ايام الفراعنه

*(اجدع ناس والله)*

طبعا انا اخر واحد ينصح فى الفراغيه لانى لما كنت بسمع اسمها بيجيلى ارتجاع مريئ كنت بكرها جدا جدا جدا

*(رحم الله امرء عرف قدر نفسه)*

مع انها سهله جدا بس عايزه تخيل وواحد بتلات عيون عشان يشوف المجسم ده من جوا ومن فوق ومن تحت ويقعد يتخيل يعنى

*(طيب عن نفسي بلبس نظاره يعني ب 4 عيون فربنا يستر)*

اه يخربيت الزهايمر بتاعى نسيت اقولكم
كتاب المدرسه ثم المدرسه ثم المدرسه ثم دليل التقويم فى الرياضه ثم امتحانات سابقه = ال 50 مرتاح جدا

ربنا معاكم وانا تحت امركم ف اى حاجه ف الرياضه اى استفسار اى سءال ان شاء الله اقدر اجاوبكم

*(شكرا ياهندسه ده العشم برضه)*


فى حفظ الله ربنا يوفقكم

نورت بيتنا ياهندسه
جزاك الله كل خير