[Moky]

انا محتارة جدا ما بين صيدلة وطب اسنان
انا كنت كاتبة صيدلة رغبة اولى وجاتلي بس مكنتش مقتنعة بيها اوي
وكل ما اسأل حد يقولي رأي
وفكرت لقيت ان صيدلة من حيث الدراسة اسهل من طب اسنان في حتة العملي
وان طب اسنان العملي بتعها كتير بس معرفش من جهة النظري الوضع ايه

بالنسبة لصيدلة:
سمعت تريقة كتير على بتوع صيدلة وانهم بياعين بس مش دي المشكلة لان كل الكليات بتتريق على بعضها فده عادي ومفيش كلية سلمت من التريقة وكمان انا معديش مشكلة حتى اني ابقى بياعة مش مهنة تعيب وكمان مش المجال الوحيد لصيدلة انهم يشتغلوا في صيدليات
لكن لقيت ان مجالات الشغل بتاعة صيدلة بينافسهم فيها خريجين علوم و داكترة بيطري وخريجين زراعة كمان
يعني مش على قد الصيادلة لا والاكتر حتى بتوع دبلومات بيشتغلوا في الصيدليات
يعني بعد التعب في ثانوية عامة وفي الكلية ييجي واحد خريج زراعة كان دخلها ب50%يتنطط عليه وله واحد خريج علوم عشان اخدوا في الكلية معلومات سطحية بالنسبة للي في صيدلة يتنطط عليه برضه انه زيه زيي وبيشتغل في شركات الادوية برضه
انا مش بقلل من الكليات دي بس انا مؤمنة انا كل واحد يشتغل في تخصصه مش السلطة اللي موجودة دلوقتي دي
يعني مثلا طالب طب بيدرس حاجات ليها علاقة بطب اسنان بس ما ينفعش يشتغل دكتور اسنان لانه ما بيدرسهاش بالتفصيل زي طالب طب اسنان فنفس القصة على صيدلة وعلوم وبيطري وزراعة

أما بقى طب اسنان :
معنديش مانع برضه اني احط ايدي في بق العينين ومش شايفة فيها اي حاجة تقرف لاني بعالجهم مش حطاها رخامة يعني
وعلى الشغل العملي عندي استعداد اشتغل عملي كتير مش بتفرق معايا برضه
المشكلة فيها بقى انهم بيقولولي ان في طب اسنان اني لو ما فتحتش عيادة مش حلاقي شغل والعيادة بتكلف كتير
انا محتارة جدا جدا ومش عارفة ادخل ايه
وصليت استخارة ولسهة حيرانة ونفسي حد يقنعني بحاجة منهم