سلامو عليكو
ازيك يا ايمى ؟
كويسة .. طب الحمد لله
نشوف موضوعنا بقى
ماشي ياحاجة
اولا انا معترضة جداا على كلمة خيال دى
معترضة كمان على ان النت دنيا تانية
لان النت جزء من الحياة العادية اللى بنعيشها وربنا هايحاسبنا عاللى بنعمله ف النت
زى ما هانتحاسب عاللى بنعمله ف يومنا العادى من غير نت
يعنى مش خياااال
والناس اللى بنتعامل معاهم دول بنى آدمين طبيعيين الحمد لله
يعنى مش شخصيات كارتون عشان نقول انهم خيال !!
صح هو مش خيال
بس هو دنيا تانية فعلا
ممكن تلاقي فيه اب تاني
واخوات تانين واصحاب تانين
يبقى فعلا دنيا تانية
انا باتعامل مع الناس عالنت زيهم زى الناس اللى باتعامل معاهم برا النت
لوهاغير من نفسى ف كلامى معاهم
ف دى مش مشكلة ف النت
كدة انا اللى عايزة اغير من نفسى
ف ابتديت بانى اعمل كدة عالنت
وبعد كدة هالاقى نفسى باتغير مع اصحابى اللى مش ف النت برضو وهابقى هنا زى هناك
وده بالتفصيل اللى حصل معايا اول مابتديت اشارك ف منتديات من حوالى 3 او 4 سنين
وجهه نظر بردو
---
لو اعتبرنا انه خيال
يبقى احنا بنهرب من حياتنا الواقعية ( زى ما هانقول عليها ) للخيال ده
لاننا شايفين نفسنا ناجحين عليه ف تكوين صداقات وبنتعامل مع الناس فيه احسن من الحياة العادية
ودى مشكلة اصلا ان حد يبقى ليه شخصيتين بيتعامل بيهم مع الناس
عندك حق جدا
بيعجبني كلامك يابت انتي
---
بالنسبة ليا بقى
النت جزء لا يتجزأ من حياتى اليومية
حلوة لا يتجزأ دى
ما علينا
لا مش حلوة عادية
عن طريق النت
اتحولت من انسانة انطوائية لاقصى درجة
لانسانة رخمة لاقصى درجة
باهزر اكيد
وليه اكيد مانا رخمة
مش رخمة اوي ع فكرة
ما علينا مش موضوعنا
بس بجد خلانى اتغير كتير
تغيير جذرى
بصي انا النت ممكن يكون اثر فيا وف شخصيتي
بس مش للدرجة اللي بتقولي عليها
او بمعنى اصح الناس اللى عرفتها هى اللى خليتنى اتغير
عرفت من عالنت اصحاب باحبهم اوى بجد
وكذا حد مش متخيلة حياتى من غيرهم هاتبقى عاملة ازاى
ودايما بادعى ربنا نفضل على طول مع بعض
بالرغم اني معترفة بالنت وكله
بس غالبا علاقات النت من اي نوع مش بتكون ناجحه اوي
لو انا واحده منهم
يبقى ربنا يخلينا لبعض يارب
بس بردو حرصي بجد من اي حد ف النت
عشان متتصدميش ف الاخر
وخصوصا لو من المنتدى ده لان الناس هنا بجد مش كويسة
الكداب بيفضل كداب جوا النت وبرا النت
وزى ما فيه اللى هوايتهم يشتغلوا الناس عالنت
فيه ناس كدة بس برا النت
يعنى المشكلة فينا احنا
مش ف الوسيلة اللى بتوصلنا ببعض
ممكن بس كدب النت اسهل يامنمونتي
والله انا خايفة عليكي انتي بالذات من النت
لان من كلامك حاسة انك مطمناله ميه ف المية
وده اكبر غلط صدقيني
حلو اوى الموضوع يا ايمى بجد بجد
وكان نفسى ارغى اكتر من كدة بس مش عارفة اجمع الكلام
اكيد بتقولى الحمد لله
الحمد لله
بجد انتي رغاية بجد
واشهدلك
عموما لو افتكرت حاجة تانى هابقى اجى اقولها
لالاء خليكي
ربنا يكفينا شرك
تصبحى على خير ( الساعة 06:20 صباحا )