15-06-2015, 12:26 PM
|
عضو ممتاز
|
|
تاريخ التسجيل: Jul 2014
المشاركات: 253
معدل تقييم المستوى: 10
|
|
العلاج الطبيعى من البداية للنهاية
باختصار_العلاج_الطبيعى
ايه_هو ؟؟!!
-- لمن لا يعرف العلاج الطبيعى ... (اذا كنت تبحث عن المعرفة )
(حينما تعجز الجراحه و العلاج الدوائى )
( حينما تعالج بكفائة و بدون اى آثار جانبية ؟! )
العلاج_الطبيعى_أو_العلاج_الفيزيائى Physical therapy
Physiotherapy :-
-- العلاج_الطبيعى هو احدى المهن الطبيه القديمه الحديثه فى نفس الوقت ؟؟؟؟؟
-- ازاى قديمة و ازاى حديثه فى نفس الوقت يعنى ؟!
-- قديمة ده لأنه بيعتمد على طرق العلاج الى استخدموها من زماااااان زى الماء Hydrotherapy و زى القدرات اليدويه Manual therapy و زى استخدام الحرارة و البرودة فى العلاج Thermotherapy and cryotherapy ..
-- و حديثة لانها فى الوقت الحاضر تمارس باجهزه اكثر حداثه بل بتستخدم تقنيات اكثر تطور من اى مهنه تانية دى قائمة على قوانين و مبادىء الفيزياء الحديثة و الكهربية زى ايه ؟! زى التيارات الكهربائيه بجميع انوعها Electrical stimulating currents ودول ليهم استخدامات فى تخفيف الالم و فى تنبيه الاعصاب الطرفيه و العضلات لمنع مضاعفات كتير جدا ممكن تحصل و لاعادة شخص مشلول للحياه مرة تانية او لاعادة تاهيل الكسور و غيرها كتييير جداااااا ..
-- بعض التقنيات التانية الى بيستخدمها دكتور العلاج الطبيعى هى الليزر LASER و ده واسع المجال جدا فى استخداماته سواء للالم سواء للتجميل بعد الحروق او الجروح و غيرها كتير على حسب التردد و الطول الموجى المستخدم و طريقة الاستخدام و نوع الليزر نفسه ..
-- الموجات الفوق صوتية Ultrasound Waves و دى من الحاجات المهمه جدا فى علاج الالتهابات و غيرها و فى تكنيكات كتير لاستخدامها و ساعات نستخدمها لادخال بعض الادويه على هيئة ايونات او جزيئات لداخل الجسم Phonophoresis .. او نستعمل التيارات الكهربية لادخال المواد دى
Iontophorosis
-- كمان فى الاشعة تحت الحمراء Infrared و فوق البنفسجية Ultraviolet و الموجات القصيرة و القصيرة جدا Short and micro waves و الراديو Radio و الكولد ليزر Cold LASER therapy وغيرهم و دول استخداماتهم عندنا كتير جدا فى علاج كتير من امراض الجلديه و امراض النساء و غيرهم كتير جدا ..
-- فى كمان الاجهزه_المساعدة زى الجبائر بانوعها و الاجهزة التعويضيه و دى بنوصفها على حسب الحاله و حسب الاستخدام الى احنا عايزينه و احنا احيانا الى بنحط تصميمها و بنطلب من اخصائيين الجبائر صنعها طبعا كل دا من خلال دراستنا لعلوم الميكانيكا و الحركة و غيرها ..
-- الجزء_اليدوى بقى Manual therapy and therapeutic exercises و هو دا أهم مايميز دكتور علاج طبيعى عن التانى الجزء اليدوى ده مش تدليك زى ما الناس فاهمة الناس بتبص كدا و خلاص و ميعرفوش حاجة ميعرفوش ان دا قائم على علوم الميكانيكا و الحركة و التشريح و الفسيولوجى و التمارين العلاجية و غيرهم كتير ..
-- الجزء اليدوى ده بنستخدمه لعلاج المفاصل فى حالات تيبس المفاصل بتكنيكات خاصه لعلاج الالام .. لاطالة العضلات و فكها لو فيها شد او قصر .. لتنبيه الاعصاب و لابعاد فقرات العمود الفقرى و غيرها ..
-- فى كثير من الحاجات التانية الى بيمارسها دكتور العلاج الطبيعى زى رسم العضلات EMG والاعصاب و هو احد انواع التقييم لتوصيل العصب و كفائة العضلات ... و حاجات تانية كتير مش هقدر اكتبها كلها ..
--أقسام العلاج الطبيعى :-
1-قسم الباطنه و امراض الصدر و القلب و المسنين
2-قسم العظام و الكسور و علاج اصابات الملاعب
3-قسم الاعصاب
4-قسم الاطفال لعلاج امراض تلف خلايا المخ و تأخر النمو و مشاكل الجهاز العضلى الهيكلى
5-قسم الحروق و الجلديه و الجراحة
6- قسم النساء و التوليد
-- وظيفة دكتور العلاج الطبيعى :-
1- الكشف و تقييم الحاله و وضع تشخيص مناسب من وجهة نظره بعد اختباراته الفيزيائيه الخاصه والاستعانه برسم العضلات و الاعصاب و الاشعة ..
2- وضع برنامج علاجى مناسب للحالة ..
3- تنفيذ البرنامج بنفسه او فى بعض العلاجات البسيطه يمكن الاستعانه بمساعد علاج طبيعى Physical therapy assistant و ده تخصص غير موجود فى مصر حتى الان فاحيانا يتم الاستعانه بممرض له خبره فى المجال ليكون بمثابة مساعد دكتور علاج طبيعى ..
-- الدرجات_العلمية الى بيحصل عليها دكتور العلاج الطبيعى :-
1-بكالوريوس العلاج الطبيعى و ده مدته ٦ سنوات ٥ سنوات دراسيه +سنه امتياز فى احدى مستشفيات وزارة الصحه.
2-دكتوراه اكلينيكيه فى احدى تخصصات العلاج الطبيعى مدتها سنتين و لازمه لمزاولة المهنه عام ٢٠٢٠.
3-ماجستير العلاج الطبيعى فى احدى التخصصات(مدته لاتقل عن سنتان )
4-دكتوراة العلاج الطبيعى (من ثلاث الى خمس سنوات )
5-فضلا عن الدبلومات المتخصصه فى المجال و دبلومات التغذيه العلاجيه و الليزر و غيرهم ..
-- السلم الوظيفى لدكتور العلاج الطبيعى :-
1-ممارس علاج طبيعى.
2-اخصائى علاج طبيعى .
3-اخصائى اول.
4-كبير اخصائيين.
5-استشارى .
6-استشارى اول. و هو سلم مماثل لاطباء البشرى . و نفس التدرج
-- ليه العلاج الطبيعى مهنه بتتحارب دايما وبتتعرض للتشويه ؟!
- لأن فى #تخصص_مندثر تابع للطب البشرى بيحاول انه يمارس المهنه و هو غير مؤهل لممارستها لأنه مدرسش عنها غير اسماء بس و هو شايف انها مهنه فيها عائد مادى محترم و بالتالى هو بيحاول انه يشوه سمعة اصحابها علشان يشتغلها هو و #ده_طبعا_فى_مصر_بس أم الدنيا و #بعض_دول_الخليج الى بتعانى من ضعف الدراسه الطبيه و العجز الرهيب فى التخصصات فبتضطر تستخدمه ..
-- مستقبل العلاج الطبيعى :-
- يكفى ان العلاج الطبيعى من افضل ٥ مهن فى العالم من حيث التأثير و العائد المادى و ده بتصنيفات عالميه دوريه اما فى ترتيب احسن 100 وظيفة على مستوى العالم فى 2015 اخدت المركز السادس عالميا ..
#فخور_انى_اكون_دكتور_علاج_طبيعى
#العلاج_الطبيعى_الجميل
|