بعد إذن أساتذتنا الكبار محتاج توضيح لبعض النقاط في المنهج الجديد الملخبط دا:
أ- علم النفس:
1- في الذكاء البصري المكاني مكتوب أنه موجود عن رجال المرور ... إيه علاقة رجال المرور بالذكاء دا؟!
2- في الذكاء الموسيقي مكتوب أنه يشير لقدرة الفرد علي إدراك النغمات و ..... والتعبير عنها كالمؤدي ... يعني إيه والتعبير عنها كالمؤدي؟!
3- في التطبيقات التربوية لنظرية التعلم الشرطي الكلاسيكي، يمكن إحلال نماذج شرطية لعلاقات جديدة ومرغوبة وإطفاء النماذج الشرطية للعلاقات الغير مرغوب فيها ... محتاجه توضيح بمثال بسيط لأن مثال كتاب المدرسة مالوش علاقة باين بالكلام.
4- في نظرية تجهيز ومعالجة المعلومات، قانون العلاقة السببية وقانون التعلم السببي، الفرق بينهم مش واضح أوي لأن الاتنين بيعتمدوا علي فهمي للنتيجة النهائية ويعتبروا واحد ... ياريت توضيح بمثال بسيط لكل قانون فيهم.
5- في نظرية تجهيز ومعالجة المعلومات برضه في التطبيقات التربوية، يعني إيه يوفر إطار معالجة المعلومات مرجع لفهم العمليات المعرفية المركبة علي نحو موضوعي وملموس ... مع مثال بسيط.
6- في مبادئ التعلم الجيد (التعزيز والتعلم) في التعزيز السالب بيقول أن حرمان الشخص المخطيء من شيء يحبه يؤدي لعدم تكرار الفعل مرة أخري، وجاب مثال لطالب نطق كلمة غلط والمدرس عدل عليه وقاله الصح، فين التعزيز السالب هنا؟! مش دي مجرد تغذيه راجعه فقط؟!
ب- علم الاجتماع:
1- معاني النظرية البنائية الوظيفية، تشير إلي دراسة العمليات الاجتماعية علي انها عمليات أو آثار لأبنية اجتماعية ... محتاجة توضيح بمثال بسيط.
2- في أنواع التفاعل الاجتماعي، إيه الفرق بين التفاعل المؤقت والعرضي؟! هل هو أن المؤقت دا تفاعل مقصود والعرضي يحدث بالصدفة وبدون ترتيب فقط ولا فيه إختلاف تاني؟!
3- تعريف العلاقة الاجتماعية، التعريف لوحده محتاج شرح ومثال بسيط للتوضيح.
4- في التنافس، إزاي أقول في أهميته أنه بيحدث نتيجة التعاون وأرجع أقول في خصائصه أنه بيتم بين ناس غالباً مايعرفوش بعض؟! فين التعاون في كده الجملتين فيهم تناقض ولو بسيط.
بعتذر علي أسئلتي اللي ممكن تكون للبعض تافهة بس أنا مش لاقيلها توضيح.
