السلام عليكم
أرجو منكم تقبل مقترحاتى ب (سعه صدركم ) مش فاكر هى ايه بالظبط بس حاجه شبه دى
المهم اتمنى لو يتم تفعيل نظام الشكر الموجود فى كثير من المنتديات
والى من خلاله يمكن شكر العضو على موضوع او رد مفيد .. إلخ
بدلا من الردود " جزاك الله كل خير " "شكرا " " تسلم أيدك" وغيرها من الردود الباهته والى مش بتأتى بجديد فى الموضوع
ايضا تحذير اﻷعضاء الى بيقلبوا الموضوع شات وردرود ملهاش اى لازمه وبتخرج عن صلب الموضوع "إزيك" " انا امبارح كنت عند أحمد" :D
فالردود فايدتها تزويد المعلومه او مناقشتها فقط .
أما الرسائل الخاصه فهى لهذا الغرض الى هو "الدردشه" ويمكن استخدامها بدل من تشويه المواضيع
ممكن يؤثر الكلام ده على عدد المشاركات ويقللها
لكن لو جينا نحسبها هتلاقى منتدى منظم ومواضيع مفيده أفضل من منتدى ملىء بالمشاركات عديمه النفع
ولما يتحقق الكلام ده مش هيقلل الأعضاء ولا هيوقف المنتدى
بل بالعكس الناس لما تلاقى منتدى منظم ومفيد زى ده أكيد هيشاركوا فيه
والسلام عليكم ورحمه الله وبركاته