[إبراهيم أبو ليفة]

"الصعيد والسياسة"
لن أكون محمد علي الصعيد واذيع اسرار هي في الاصل معلومة بالضرورة للقاصي والداني ،المطلع والباحث، القاريء وغيره لأن الاقتراب من الصعيد وكياناته وتشريحه مجتمعيا وديموجرافيا وسياسيا مغامرة غير محمودة العواقب (هتتجاب هتتجاب حتي لو كنت في درنكة والتي لا تفرق كثيرا عن برشلونة او نابولي ).
من قال ان الصعيد لا يلعب سياسة فقد كفر بما انزل من نظريات سياسية علي عقول الكوكب وفلاسفته ،ولكنه لعب الكبار ؛
فرعونيا الصعيد هو العرق الانقي في بر مصر بنسبة
99.9%
ما تبقي للعرب لاننا نحب رسول الله وتقترب اخلاق الصعايدة وحتي لهجتهم من بعض القبائل العربية .
عودة للفراعنة ودا دورهم الرئيسي عن المشاركة شارعيا فيما سيأتي ،الفراعنة يعني صمود ضد الزمن يتغير التاريخ والجغرافيا ولكن وتد لا يؤثر فيه شيء .
مينا إيوة وحد القطرين ،لكن الصعيد دولة واذا اراد ابتلاع اسرائيل مثلا ففي أقل من ست ساعات ودا كسر لرقم المنوفي والذي نشط السياسة الدينية في الصعيد وما ادراك ما إرهاب الصعيد .
نعم الصعيد الاشد فقرا حسب الاحصاءات الرسمية ولكنه الأشد غني بإقتصاده الغير رسمي ودا بيحتاج ادوات تحميه داخل النظام (تم حذف هذا السطر من المطبعة ،لو ظهرلك اعرف انك بتنتابك هلاوس قرائية )
بالتالي ماليش فيه تلعبوا مع بعض الغميضة انا بتفرج واللي جاي واللي رايح بتوعي والذهب كله في (طيبة) قلوب أهل الصعيد .
فيما يخص عزوف الشارع الصعيدي عن النزول في مظاهرات ؛
وانا شاب صغير رحت السيما في العيد ودا جرم عظيم لو تعلمون بحكي لسيدي عبد الخالق رحمة الله عليه (جدي) بقوله فتشونا قبل مندخل قالي : اتفوا علي وسك يبن السلموط اتهزقت علشان فيلم .
تخيل في عقيدة الكبار ان عسكري يفتشك تهزيق طيب المظاهرات ايه ؟!
مشكلة طبعا لاننا مش بتوع سلمية والكلام الفاضي دا وقصص العيال السيكي ميكي والحوار دا بيردده النظام وبياكل معانا -أعترض- طبعا هم ارجل الرجال ولكنهم لا يوقنون لطبيعتنا النارية الفكرة هنا ان من ينزلون المظاهرات هم الصيع والفقراء وعندنا الفقر عيب والتعفف من الاولويات ،اذا كنا مبننزلشي انتخابات الا فيما ندر هننزل مظاهرات ؟!
الصعيد الاشد كبتا في مصر ولو انفجر مش هيكون كويس علي استقرار السلام العالمي ،فإيه بجي
بلاش ابناء بحري يعايرونا كل شوية بعدم النزول .