[eng/el doktor]

المشاركة الأصلية كتبت بواسطة eng.ahmed55

1-رشحت أن تكون مسئول عن تقديم طلب لإدارة الجامعه التى تنتمى اليها مضمونه أن الطلاب متضمرون من تأخير إنشاء نقابة مهندسى البرمجيات (هتوافق ولا لا؟؟؟!) ولو وافقت (هتقول ايه؟؟؟!)
انا احسن اسيبها لواحد يعرف يقدر المسؤلية دى لانى مش هاعرف اروح واجى وكدا كل الناس هتبقى مستنيه انا هعمل ايه ولو لقدر الله ومحاولتى فشلت هزعل
انا واثق من نفسى بس دى مسؤلية كبيرة
2- أنت ف المحاضره وسألك الدكتور سؤال ف الشرح السابق ومعرفتوش وف نفس الوقت عاوز الدكتور يحترمك تقول ايه ؟؟؟
مش فاهم السؤال يعنى انا مفهمتهوش وعاوزه يحترمنى هقوله شكرا وخلاص واطلب من واحد صاحبى انه يفهمهولى
3-إنت ف محاضره ف أول شهر دراسه والدكتور أو المعيد غلط ف حاجه ولتكن حسابيه مثلا (بالرغم إن ده نادر جدا) ومحدش اتكلم تتصرف إزاى ؟؟؟!
اقعد ساكت لو مش هتاثر على مجريات المسالة انما لو هتاثر اقوله بس لما يقف وميعرفش يكمل
4- لو إنت مقتنع بكلية الحاسبات ومجموعك جايب هندسه وأهلك مصممين إنك تدخل هندسه ولا مجال لإبداء رأيك؟؟؟!
هحاول اقنعهم باسلوب كويس ولو مكانش كدا هدخلهم واسطة من اى حد ولو مكانش هدخل حاسبات واقولهم ده مستقبلى ومحدش يدخل فيه
5-لو لقيت واحد ملكش كلام معاه بينقد الدكتور بعد المحاضره بأسلوب مش كويس
اقوله ان الكلام ده غلط وانه كدا يبقى منافق لانه لو كان جريىء كان راح قاله الكلام ده فى وشه
نكمل التحقيق
قصدى الموضوع لاحقا
وجزاكم الله خير
ان شاء الله وانا مستنى وجزاك الله خير

شكرا جزيلا ليك يا بشمهندس
بالنسبه لاول إجابه بص يا سيدى
1-إنت قولت إنك واثق من نفسك وف نفس الوقت قولت أسيبها لواحد يعرف يقدر المسؤليه والمفروض إن الشخص ده كل اللى محتاجه إنه يكون واثق من نفسه معنى كده إيه ؟؟؟؟
معنى كده إن إنت الشخص ده وواثق من نفسك وكل حاجه بس إنت متردد يعنى لما تتطلب منك حاجه كبيره بيتولد عندك إحساس إنك مش قد المسؤليه بالرغم من إنك قدها لازم يبقى عندك توازن بين الجرئه والعقل يعنى تتخلص من حتة التردد دى وتؤمن إن إنت عندك قدرات خارقه وساعتها تقدر تعمل أى حاجه زطبعا تأثير ده ف الدراسه ملوش حل وأنا مش بقولك نعمل أى حاجه تحت راية الجرأه لا أنا بقول جرأه وعقل يعنى متجازفش بحياتك مثلا لكن لما يكون ف حاجه جريئه ومش خطر إعملها عشان اللى هيعملها مش أحسن منك دى أول نقطه ف السؤال الاول
هههه أوعى تزهق أصل أنا بحب التحليل النفسى أوى أوى هوايتى الوحيده
المهم يا معالى الوزير بالحق أول إنت خفت إمبارح لما قولتلم هتبقى رئيس الوزراء خليك جرئ
ههههههههههههههههههههههههههههه
المهم إنت بتقول هعمل إيه لو محاولتى فشلت
يا بوحميد المفروض إن ده ميجيش ف بالك أصلا
إنت عملت زى اللى مراته ماتت وهو بيدفنها بيفكر يخطب منين
بص يا أحمد بشروا ولا تنفروا ويسروا ولا تعسروا
بجد أوعى تتوقع الشر يعنى لما تعمل حاجه إنت مقتنع إنها كويسه أوعى تعمل حساب الجانب السلبى
(تيجى تخطب مثلا وأول ما تقعد تقولهم يا جماعه اللى أوله شرط آخره نور بعد الخطوبه لو الخطوبه اتفشكلت هآخد الباسبوسه اللى جبتها )
طبعا بهزر معاك
دا تعليقى على أول سؤال والباقى أما اشوف رأيك إيه أول لاحسن أنا حاسس إنك هتكسر الشاشه وتجيبنى منها ههههههههههههههه
جزاك الله خير