اقتباس:
المشاركة الأصلية كتبت بواسطة mido2010200060
السلام عليكم
لو سمحت يا باشمهندس اسماعيل انا جايب السنه ديه 98.5 الحمد لله
مستنى التنسيق اهوه ادعيلنا 
انا من المحله و سمعت ان فى صعوبات كتير اوى عشان ادخل هندسة القاهره انا بأذن الله ناوى على قسم طيران و سمعت ان اولا مش هتتكتب معاك هندسة القاهره و لازم تحول من مكتب التنسيق نفسه و لازم يكون ليك سكن طيب المدينة الجامعيه ايه لازمتها؟؟؟؟؟!!!!!!
كنت عاوز اعرف من حضرتك ايه المطلوب عشان اتقبل فى هندسة القاهره اعتقد انى بأذن الله جبت مجموعها
ده كل اللى عاوز اسأله و شكرا لاهتمام حضراتكوا بينا
السلام عليكم |
وعليكم السلام
دلوقتى انت قدامك حل من اتنين
تكمل ف المحلة اعدادى بس وتجيب تقدير كبير و بعدين تقدم على تحويل لطيران وهتم الموافقه عليه
يا اما تقدم ف القاهرة على طول مع اثبات ان لك محل اقامة ولو قريب ليك ف القاهرة
ومش هيبقى فيه تعب غير اجراءات روتينية خصوصا انك جايب ماشاء الله 98.5 %
المدينة الجامعية لزمتها للمغتربين علشان بعض المناطق من خارج القاهرة بتقبلها القاهرة من غير قيود زى السويس .. او لانك فجأة نقلت سكنك .. او لانك بتاخد وقت كبير ف المواصلات او للمحولين لاقسام مش موجودة ف جامعاتهم زى طيران وبترول وكيميا وطبية
ومفيش تعب ولا حاجه .. احنا بنرد جزء من اللى اتعمل معانا