السلبيه موجوده فى كل مكان واللامبالاه معاها وبنشوف الحاجتين دول فى بلادنا ومجتمعاتنا العربيه بأحجام لا توزن ولا اعداد تعد سنأخذ امثلة لهذه السلبيات التى نراها فى مجتماعاتنا والتى نود ان تنتهى من حياتنا
************************************************** ************************
لما تصحى اخوك الصغير الصبح تقوله قوم يابنى ميعاد المدرسه خلاص يقولك لسه الطابور مخلصش
************************************************** **************************
واما تنزل وتفاجأ بخالتك ام محمد جارتك بتحدف قنبلة من النفايات فى الشنطه السودا المتفرتكه وهى بتتفرج على التلفزيون فى الصاله على طووووول دراعها وتنزل على صاحب نصيبها
************************************************** ******************
واما تركب الميكروباص برضه الصبح والسواق يكون معلى الكاسيت لدرجة ان واد صغير بعديك بعربيتين بيرقص على الاغنيه
************************************************** ****************************
واما تيجى تركب مينى باص ويناديلك يقولك تعالى فااضى فااااااااضى ومفيش مكان اصلا تقف فيه ناموسه ولازم ترجع ورا كأنك داخل النار وهتتعذب وبتهرب من دورك ولو معاك بطيخه بئه يبقى تلحق تلم البذر بتاعها عشان تعلم ولادك العد من 1 ل 500
************************************************** ******************************
واما تقابل صاحبك فى الشارع والسيجاره هتاكل حته من بؤه والدخات مغبر فوقيه عامل سحابه تحس انها هتمطر من شدة السحابه وتقوله يابنى بتهلك صحتك يقولك ياسيييدى محدش واخد منها حااااجه
************************************************** ***************************
واما تيجى تقول لصحبك انت غلط فى الحته دى يقولك ياعم اقعد ساكت هو انت اللى هتصلح الكوووون!!!
************************************************** ****************************
لما راجل محترم يكون راكب عربيته الفخمه وانت ماشى على الرصيف وفجأه تلاقيه فتح الشباك عمل حركه سريعه ببؤه كده وقفل الشباك وكأنه قاعد فى حمام بيتهم
************************************************** ******************************
ولا التانى اللى نازل مصارعه بصباعه فى مناخيره وتقوله يااخى فى اختراع اسمه مناديل يقولك مناديل ايه ياجدع ده انا مناخيرى انضف من البتاع اللى بتقول عليه
************************************************** ******************************
ولا ياعينى اما تروح مصلحه حكوميه ويكون ماشى بنظام ويقولك طابور يامحترم تلاقى الطابور بعدد اللى واقفين كل واحد فى طابور لواحده كله عاوز يبقى الاول
************************************************** ******************************
واما تقول لصحبك اللى قاعد على القهوه ليل ونهار يابنى مش بتروح الجامعه ليه يقولك ياعم انا بروح على الامتاحانات وخلاص هما يعنى اللى خدوا شهادات عملوا ايه !!!
************************************************** ******************************
لما بيكون وزير معدى الشارع كله بيقف والمواصلات بتلزق فى بعضها ومصالح بتتعطل وحاجات كتير بتحصل
************************************************** ******************************
ولما حارس المدرسه بيطلع الطلبه عشان يمشوا من ورا الاساتذه طيب انت واقف ليه مكنا حطينا بدالك شجره او تمثال
************************************************** ******************************
لا و كمان عملوا احصائية و طلع % 83 من الشعب المصرى سعيد........!!!!!!!!!!!!!!!!!!!!!!!!!!!