اقتباس:
|
انا في كلية حاسبات ومجموعي يدخلني تجارة عربي وانجلش ........ بس مش عارف احول ازاي وايه هيا الاجرائات يعني
|
يعنى انت دلوقتى اولريدي في حاسبات ومعلومات وعايز تحول لتجارة انجليش ؟؟
لو زي مانا فهمت كدا يبقى يؤسفنى اقولك مش هاينفع
التحويل بيبقى بين الكليات وليس بين الاقسام والشعب
اقتباس:
وايه الاحسن عربي ولا انجلش ؟؟ انا بسمع ان في كورسات بتقلل الفروق بين الكليتين
طبعا مين الافضل من ناحية توفير وقت لدراسة الشهادات المهنية زي cma - cfa ???
|
الاحسن من وجهة نظري انا وبعد ماخلصت الكلية الحمدلله .. اقدر اقولك انجليش احسن طبعاً
بس مشكلة انجليش الوحيدة ان الطلبة اللى بيدرسو فيها بيبقوا مش عارفين اي حاجة عن المحاسبة بالعربى
ودي مش ميزة خااااالص .. يعنى تيجي تسألهم في حاجة معينة في المحاسبة يقولك اسمها بالانجليش
فانتا تفتكر انه بيتكبر عليك وعايش الدور بس هوا في الحقيقة غصب عنه لانه فعلا مايعرفش هيا ايه بالعربى
ولو عرف يبقى هايعرفها بالشبه او بالتخمين
وهنا بقى تيجي ميزة تجارة عربى
ان انتا لو جامد وبرنس .. تذاكر المواد بتاعتك بالعربى عادي جدااااااا وتمتحن فيها وتكمل دراستك مافيش اي مشكلة
ومع نفسك بقى على جنب كدا تمسك المواد المحاسبية دي وتدرسها بالانجليش كثقافة مش اكتر
صدقنى هاتستفيد جامد جدا جدا جدااااااا .. وهاتبقى احسن من خريج انجليش بمراحل
لان مش كل من اتخرج من انجليش بقى جامد ولغة وبيتكلم انجليش
فيه فرق شاسع ما بين الدراسة الاكاديمية بالانجليش والكلام بالانجليش
اما بخصوص الحتة اللى انت ذكرتها الخاصة بشهادة الـ cma والـ cfa
فادي شهادات معدية .. حاجة اوووووووفر اوفر يعنى .. ودي حلم كل محاسب
فيه ناس محاسبين بيعيشو حياتهم المهنية عشان ياخدو شهادة زي دي
وفيه ناس بتطلع معاش ومابتخدهاش
حاجة زي الـ cma دي مثلا مصاريف الامتحان والتسجيل فيها بس من غير دراسة ولا حاجة بتخش في الـ 2000 جنيه
فلو انت عربى وخدتها تبقى برنس زمانك ولياليك
ولو انت انجليش وخدتها برده هاتبقى برنس زمانك ولياليك
بس زي ماتقول كدا الشهادات اللى زي دي عشان دراستها بالانجليش
فخريجين انجليش بيكون ليهم الاسبقية في التأقلم معاها باعتبارهم درسو بعض الحاجات دي في الكلية
لكن دا مايمنعش ان الشهادة دراستها صعبة وغبية .. واللى بياخدها بيبقى جامد
كفاية اوي اوي انه هايبقى اسمه محاسب دولي معترف بيه عالمياً