[محمد محيسن]

اولا انا طالب بكلية صيدلة واحب اقول لحضرتك شوفي انتي اساسا عايزة تبقي ايه ومش هاقول كليتي هي الافضل بس هي من افضل الكليات كليه الصيدلة شغلها كتير اوي منها علي سبيل المثال الشغل في الصيدليات وطبعا ناس كتير ممكن تقول طب ما بتاع تجارة ولا دبلوم ممكن يقف فيها ويبيع انا هاقول اي حد ممكن يقف ويبيع بس مش اي حد ممكن يفهم تفاعلات الادوية مع بعضها والتاثير العلاجي والتاثير الضار للدوا ولو دخلتي صيدلة هتعرفي اكتر واكتر عن او تي سي المهم في كمان الشغل في المستشفيات بمجال اكلينيكال فارماسي او الصيدلة السريريه وده شغلة حلو اوي برة ومطبق في احسن مستشفيات مصر وليه مستقبل في كمان الشغل بالخارج وده بيتساوي فرصة مع فرص كليات القمة بدون استثناء وكلهم شغلهم عالي بره ممكن كمان تعملي دبلومة تحاليل وتفتحي معمل تحاليل ممكن كمان تشتغلي في شركات او مصانع الادوية ودي ليها مميزات حلوة بردو ثانيا بقي كلية العلاج الطبيعي كلية محترمة جدا ومن الكليات اللي شغلها عالي اوي بره مصر ولما بتوصلي فيها بيبقي ليكي مكانه حلوة وعائد مادي كويس وباقي كليات القمة ليها مميزات وليها عيوب يعني صيدلة عيوبها دلوقتي انها بقي عدد طلابها كتيير اوي وتداخل المهن الاخري فيها زي بتوع الدبلوم وده بسبب اخطاء الصيادلة اللي سايبين صيدلاياتهم طب مثلا عمرك كلو مزاكرة وتعب (7 سنين +2 تكليف ان وجد +3 ماجستير ) ده بس عشان تفتحي عيادة لكن القيمة العلمية والاجتماعية بتاعتهم كويسة ولما العملية بتشتغل كويس بيبقي المادية كمان واخيرا مفيش كلية احسن من التانيه الكل مكمل لبعضو بس كلنا نفهم كده انصحك استخيري ربنا وتوكلي علي الله وادخلي اللي انتي حابه تخشيه