[Bent 3bdo]

المشاركة الأصلية كتبت بواسطة د\ الاء

طبعا يا بنتي
هو انا اي حد ( ومتشغليش الغباء بتاع الفيس تاني وتقولي انتي الاء والا ا اي حد)

انا يا لولو ده انا طيبه وغلبانه خالص حتى


بس صحيح
مبروك ع الاسم الجديد ( اخيرا غيرتيه )

انما للصبر حدود بقى
بس ايه رأيك ف ده ؟؟

.....................................
بس ايه ده يا لولو انتي لسه فاكرة ميس الاحياء بتاعتك ومش ناويه تنسي مواقفها البايخه

ع الاساس اللى كانت بتعمله فيا شويه مثلا
اصحابى كانو عايزين يروحوا يسلموا عليها قولتلهم معرفككوش

هو فعلا عندك حق الاحياء محتاجه مذاكرة كتير وفعلا مينفعش تتذاكر غير من كتاب الوزاره
بس كمان الفهم بقي مطلوب فيها كتير عن الحفظ مش زي ايامنا

ايه يابنتى محسسانى ان احنا بقالنا 20 سنه ماكنتش سنه ايه اللى اتغير ياعنى
الاحياء دى ماده
يلا بلاش نعقد الناس
هى بتعتبمد اكتر ع احفظ بس أكيد فيها فهم وفهم رخم كمان
يعني امتحان السنه دي كان فيه اسئله فهم كتير اوي مش زي كل سنه احفظ ورص

ماشفتوش والله مع انى كان نفسى شاوفه بس دخلت ف القسم دورت شويه مالقتوش فكسلت
بس امتحانا ماكنش حفظ خالص ع فكرة

بس تصدقي طلعتي بتقولي كلام حلو اهو وبتنفعي ف المواقف اللي زي دي

تلميذتك

المشاركة الأصلية كتبت بواسطة sendrila_

طب انا جايبه 95.6 وبرده مش عارفه اعمل ايه
اناحلمي ومن وانا صغيره ادخل صيدله مش عارفه اكمل علمي علوم ولا رياضه ولا اكمل علوم واعمل اللي عليا وزياده حتي لو مدخلتش الكليه اللي نفسي فيها اقدم فنون تطبيقيه وابقى برده حاجه كويسه ابقى مهندسه

واحده صحبتى كانت جايبه 95 فتانيه بردو وف تالته زادت مش عارفه جابت كام بس دخلت صيدله القاهرة
الموضوع مش صعب
هى م جهه اضمن ف رياضه اضمن طبعا هيبقى قدامك حاجات كتير
بس لو شديتى حيييلك شويه ممكن تجيبى صيدله

ع فكرة غالبا و ع حسب معلوماتى فنون تطبيقيه رياضه بس

المشاركة الأصلية كتبت بواسطة كونان العرب

طب انا عندي استفسارين

اولا انا علمي رياضة و مش عارف اخد اقتصاد و احصاء و لا علم نفس كمادة ادبية ؟!
انا كنت ناوي علي اقتصاد واحصاء بس اصحابي كلهم قعدوا يقنعوني ان علم النفس و الاجتماع سهل جدا و الخمسين فيه مضمونة ان شاء الله اما الاقتصاد والاحصاء فالاقتصاد صعب في الحفظ و الاحصاء يمكن سهلة بس الامتحانات بقت بتيجي صعبة فيه !! يعني مش مضمون !!
فانا مش عارف اعمل ايه !! اولا انا مش بحب الحفظ و بنسي بسرعة بس في نفس الوقت خايف اخد الاقتصاد و الاحصاء والاحصاء تيجي صعبة و انقص و اصحابي يقفلوا بسهولة في علم النفس فمش عارف هقدر علي حفظ علم النفس زيي زي غيري ولا ايه النظام ؟
كمان انا نفسي ادخل هندسة قسم اتصالات و القسم ده معتمد علي الاحصاء بنسبة كبيرة فلو مش درستها هتعب بعد كده !!
فياريت يا جماعة بجد حد ينصحني لوجه الله عشان انا محتااااااار اووووووووي وهتجنن خلاص ..

اما الاستفسار التاني بالنسبة للمستوي الرفيع انا كنت بفكر اما عربي او انجليزي ..
بس سمعت ان اللي اخدوا رياضة جابوا اعلي درجات عن العربي والانجليزي و البقية ..
مع اني كنت مستبعد الرياضة دي خالص بس مش عارف بقي ؟!
ياريت برضه حد يقولي انهي اسهل و ايه الاضمن ؟! و مش محتاج مذاكرة الا ليلة الامتحان واللي ممكن نقفله او نجيب 9 علي الاقل ؟!!


بانتظاركم و ياريت الرد بسرعة لاني خلاص ...... !!

وشكرا مقدماً

بالنسبه للمستوى الرفيع
كان ف رد رداه
هدور عليه كده و واجيبه لو مالقتوش ابقى اكتبه
بالنسبه بقى للماده الادبى
مبدئيا اسمع ان الفلسفه رخمه
علم النفس بيقولوا سهل ومضمون بس محتاج حفظ كتير و بيتنيى و لازم يتراجع كتير وكده
الاقتصاد و الاحصا بقى
انا كنت واخده اقتصاد واحصا
وكنت اول السنه خالص عايزة احول علم نفس علشان نفس الكلام اللى بيتقال ده و خصوصا ان امتحان 2008 بيقولوا كان وحش اوى
بس بابا مارضيش وقالى هتشوفى اناصحابك الى واخدين علم نفس هيندموا
الاحصا بجد ماده عبيطه جدا جدا جدا
مافيش الا باب الاحتمالات هو اللى عايز مخ شويه انما الارربعه التانين حاجه كده ماتفهمش ايه التفاهه دى
هو كل فصل قانون واحد ولا اتنين و كل المسائل عليه و قليل اوى لو لاقيت مسأله فيها فكرة جديده غالبا كلهم شبه بعض
اخر فصلين دول كانو بالظبط قانوني اساسين و2 كده تحتهم بتفظه ويجيلك سؤال جدول تقعد تحسب الحسابات بتاعت مطاليب القانون و تعوض وخلصت
ف الاخر لما المستر كان بيدينا امتحانات واجب ماكنتش بحل السؤالين اللى ع اخر فصلين ط
و المستر يقعد يتخانق معايا كل مرة و انا ماحلهمش بردو بحلله بتاع امتحان واحد بس كامل
بقوله احل ايه بالظبط
وانا فاضيه اقعد احسب المهم انى حافظه القانون
مع ان المسائل دى كان بيطلع الناتج فيها بتاعى غلط بس برده مابحلهاش
الاقتصاد
هما 5 او 6 فصول
حفظ مافهمش اى حاجه غير كده ياعنى ايه ضريبه ياعنى ايه سهم الكلام ده

ميزة الاقتصاد و الاحصا انها بتوفرلك وقت لمذاكرة مواد تانيه زى الرياضه او الاحياء واكيد الفيزيا
لانها مش محتاجه لت وعجن زى علم النفس او الفلسفه
انا الاحصا كنت واخده فيها درس تقريبا كان ف شهر 3 ولا 4 حاجه كده متاخر اوى تقريبا خلصناها ف 4 حصص
الاقتصاد ماكنتش باخد فيه درس
هما فصلين تقريبا الى كنت مذكراهم و 2 قريتهم ف 10 اييام بتوع العربى و الباقى ذكرته ف الكام يوم اللى قبل الامتحان و العملليه اتقضتت ياعنى الحمد لله

شوف الاحسن ليك وقرر
بس رأيي
ان بما ان انت ولد اولا و ع حسب معلوماتى الولاد مابيحبوش يقعدوا ع المذاكرة كتير غالبا ف الشارع بيلعبوا كورة
و بما ان انت رياضه ثانيا فاكيد الاحصا مش هتبقى صعبه بالنسبالك ان شاء الله
و بما ان انت ناوى ان شاء الله هندسه
فأكيد هتستفيد بيها و هيبقى احسن م لما تكون مش عارف حاجه منها
ان عندنا احصا ف الكليه فلما الدكتور بيجى يشرح بيكلم ع ان احنا عارفين الحاجات دى
فلما بيقولوا ان ف ناس كانت علم النفس
بيوقولهم بيتهيقلى ان انتو كنتو عارفين انكو هتخشو صيدله

فاقتصاد و احصا احسن م وجهه نظرى