اولا يااستاذى الفاضل الكلام ده يخص مدرسات الفصل الواحد بس لانهم هما اللى صدر لهم قرار تعيين وانا حقيقى تانى مرة فى حياتى احس ان كنت اخدت دبلوم احسن بكتير وافيد من الليسانس والدبلومات والدراسات العليا والكلام الفارغ ده اول مرة ياسادة ياكرام لما لقيت زميلة ليا اصغر منى بسنة معاها معهد فوق المتوسط حاسب الى ومتثبتة اه وربنا معهد بعد الدبلوم ياسادة وانتو طبعا المعاهد بتاعة الحاسب الالى دى يعنى اى مجموع اى حضور اى امتحانات لانها ولاتعرف حاجة عن الكمبيوتر غير الحاجات العادية جدا تفتح تقفل تكتب ومتعينة مدرسة فصل الاستاذة الفاضلة الحكومة عينتها بالاعدادية عاملة وكانت لسة فى الثانوى الفنى لانها كانت شغالة معيدة فيه ولما كملت الدبلوم واخدت المعهد ساوت بيه يعنى مع احترامى الكامل لفئة العمال عاملة نظافة بدبلوم بالغش ومعهد حاسب الى من بالفلوس مدرسة متثبتة وبتاعة الليسانس والدراسات العليا والاى سى دى ال متعاقدة لسة اسمها بالرصاص المرة التانية بقى مع الفصل الواحد اللى بيشتغلو بعدنا وبمرتبات مش من البند الاول اجور تصل فى بعض القرى ل90 جنيه( واكيد بعد التثبيت هيزيدو ويتعمل حد ادنى )
ثانيا يااستاذى الفاضل قرار محو الامية ده شغل محليات ومحافظين ولو بصيت فى العقد اللى يخص حضرتك هتلاقى مفيهوش ولابند خاص بمحو الامية وانت تقدر تشتكيهم بالعقد ده لانه شريعة المتعاقدين وحنا عملنا كدة فى البحيرة من سنتين والسنة اللى فاتت امتنعت انى ااقدم ناس فى محو الامية لانى فعلا وجدت ان الناس اللى متعبتش نفسها وقعدت فى بيتها ومعملتش محو امية اتجدد لها العقد تانى وقريت العقد وملقيتش فيه اى بند ينص على كدة وبعتذر للاطالة بس انا صراحة مش مستنية حاجة من بلد بتكره المتعلمين وبتمرمط فيهم وعايزة منهم لبن العصفور عشان كام ملطوش مااخدنهومش لغاية دلوقتى ولانفذو تعاقدهم معانا بالتثبيت وبتثبت انصاف المتعلمين او الناس اللى متعلمة بالعافية ومعندهاش اى خبرات ولاشهادات
|