اقتباس:
المشاركة الأصلية كتبت بواسطة sunlight00097
بصوا يا جماعه انا كنت واخده احيا وكيميا فى الترم لاول
وعايزه افيد اللى لسه ما خدهمش
الاحيا طويله ورخمه بس لو اتذاكرت اول باول حتبقى الى حد ما مقبوله هى 6فصول الفصل فيه ياما درسين ياما تلاته على حسب يعنى والفصول اللى كانت فى نظرى صعبه وبنصحكم متتهاونوش فى مذاكرتها هما تلاته التغذيه والنقل والاحساس
اما الاخراج والتنفس والهرمونات كانوا بالنسبالى يعنى كويسين والحمد لله قفلت الاحيا بعد عنا طويل وامتحان معقد  \
اما الكيمياء هى كانت تقريبا خمس فصول والكيميا لو اتذاكرت هتبقى سهله هما بس اخر فصلين يمكن يكونوا محتاجين مخ شويه لان فيهم معادلات
والحمد لله قفلت الكيميا وارتحت منه 
معلش بقى عايزه بتوع الفيزيا والميكانيكا يفيدونا |
انا خدت فيزياء و ميكانيكا الترم الاول .. الفيزياء عايزة مجهود كبير خصوصآ في الوحدة الثانية بتاعت الموائع مسائلها كتير. وفيها فكر كتير خصوصا قاعدة ارشيميدس. جاتلنا مسألة منها في الامتحان معقدة جدا بس الحمد لله قدرت احلها صح بعد عناء طويل معاها.... لكن مع المذاكرة والحل الكتير الموضوع هيبقي سهل ان شاء الله .... اما الميكانيكا هتلاقيها سهلة جدا ... بس درس الاتزان تهتمى بيه لانه مسألة منه بيتيجي اساسية في الامتحان وممكن يجيب فيها فكرة صعبة زى ما جاتلنا ومحدش عرف يحلها نهائي
. بالنسبة للديناميكا محتاجة فهم للقوانين وحل كتتير كتتير عشان تبقي فاهمة معظم افكارها لكن متقلقيش من الميكانيكا خالص هتلاقيها في منتهي السهولة ان شاء الله وبالتوفيق لنا جميعآ الترم التانى