بص يابنى خدها منى وخلاص بقا وربنا يوفقك
سيبك من الدروس واقعد زاكر في البيت
بس بشرط ... تقعد تزاكر
مش تضيع وقت بقا وكده
مش هقولك زاكر 24 ساعة وبتاع ..
لا طبعا الجسم لازم يرتاح .. وهو انت بقا هتقعد من الدروس عشان جسمك يرتاح ومخك يبقا نشيط وانت بتزاكر لفترة طويلة
يعنى الوقت اللى بتضيعه ف الدرس مثلا هتيجي من الدرس هلكان وبالتالى هتنام اكتر
انما لو وفرت الوقت ده هتنام كويس وف نفس الوقت هيبقا عندك وقت اطول للمزاكرة والتركيز والفترة دى الواحد بيبقا عاوز يبعد عن الناس والكلام بتاع اصحابو والاحباط والقر الخ ..
فانت اهو لو هتقدر تستفيد بجد من القعدة ف البيت وتزاكر يبقا دوووووووووس ولا يهمك ومتسمعش كلام المدرسين اللى بيقولوك هتضيع نفسك وبتاع !1
انت مش اخدت المنهج شرح ؟ وفاهم كل حاجة ! وحليت عليه مش هقولك عليه كلو لكن علا جزئيات فيه يعنى وعارف ماشي ازاى اذن انت المطلوب منك دلوقتى انو يبقا متجتمع ف دماغك
خلاص سيبك بجد خليك جرئ وميهمكش وافتكر حاجة واحدة بس .. ان الله لا يضيع اجر من احسن عملا ..
وحط ميت خط تحت كلمة (احسن) دى
اكيد انت لما هتقعد مع نفسك هتزاكر اكتر وبتركيز اكتر في الاجزاء وكده يبقا انت بالفعل بتحسن العمل
وربنا هيجازيك
بجد والله انا كنت في نفس حيرتك دى بالظببببببببط السنة اللى فاتت بس ف الاخر قلت هقعد وخلاص وزى ماتيجي والله الحمد لله كنت بركز جدا وكنت بجيب اللى هما بيقعدوا كتير ف الدروس عشان يجيبوه والله والله مرة ف الفترة اللى قعدت فيها دى قلت انزل الدرس كده يمكن الاستاذ بيدي حاجات زيادة ولا حاجة اكتشفت والله ان كل اللى قالو انا بالفعل جمعته مع نفسي ف البيت وهما كانو بياخدو لأول مرة وطبعا لسة هيزاكروه وفيه اللى هينسا ويعديه من غير يزاكره !! انما انت هتطلع الحاجة من نفسك يعنى غصب عنك هتلزق ف دماغك بجد والله نفسيتى كانت تعبانة عشان كنت حاسة انى لوحدى ومش هعمل حاجة وبتاع .. بس والله الحمد لله دخلت الامتحان كنت عارفة كل سؤال لدرجة انى قفلت تقريبا معظم المواد وجبت 100.1 % كمان
وطلعت الاولى علا بلدي كلها
..
فانت بجد انوى خير بس بشرط تستغل الوقت ده صح والله
انا عملت فكرة السنة اللى فاتت ممكن انت تعملها برده
في الفترة اللى كنت قاعدة فيها دى كنت بجمع طبعا اسئلة كتير واقفة عليا وجيت ف الايام اللى قبل كل امتحان وكده رحت للمدرسين وطبعا لوحدى يعنى انا اتفقت مع المدرس مثلا يحددلي معاد اجيلو فيه قبل الامتحان يومين كده ف اليومين دول بقا انت هتبقا مزاكر وواقف عليك حاجات هو يفهمهالك ويجاوبها عليك وبكده تكون اختصرت وقت .. يعنى اليومين دول ولا التلات ايام علا حسب منت محتاج هتاخد فيهم لوحدك مع المدرس وليهم حساب خاص طبعا ..
وبكده والله اضمنلك تطلع الاول كمان
ربنا يوفقك ...