اقتباس:
|
اولا شكرا على مجهودك يا فاميبر وانا موافقة على تمثال العيوطى
|
ههههههههههههه خلاص احنا نعمل تصويت ونشوف
اقتباس:
|
بس معنى كلامك دا ان الجامعة بترشح كل الطلاب اللى جايبيبن جيد فى سنة تانية
|
الكلام دا كان ماشي لغاية نهاية الترم الاول السنة دي (2009/2010)
لكن بدءاً من الترم التاني قرروا انهم هايقبلوا دفعة جديدة ولكن من اللي موجودين في انتظام سنة تانية
يعني لازم تكون انتظام في سنة تانية مش تالته ..
والشرط دا خاص بالسنة دي بس .. الله اعلم الشروط هاتفضل ماشية للسنة الجايه ولا هاتتغير
بس انا عن نفسى اتوقع ان السنة الجايه هاتبقى متاحة لطلبة سنة تانية اللي جايبين جيد في اولى
اقتباس:
|
كمان كل المراحل دى لازم نجح فيها لان لو منجحتش فى اى مرحلة مش هتمشى للباقى
|
بالظبط كدا .. وخلى بالك كمان ان اثناء البرنامج ماهو شغال بيبقى فيه امتحانات فى النص
ولازم تعدى فيها عشان تكملى .. ولو لا قدر الله سقطى هاتخرجى بره
عشان كدا اللى بياخد الشهادة فى الاخر وبيكمل بيبقى هوا فعلا اللى يستاهلها
اقتباس:
|
وكمان نسيت اسالك هى فى الدراسة ولا فى الاجازة
|
بتبقى اثناء ما الدراسة شغاله عادى جدا .. ومافيش أى تعارض بينها وبين المحاضرات والسكاشن نهائى
لان جدول الكورس بيتحط بالتعاون مع ادارة الكلية نفسها .. فابيبقوا مراعيين حكاية المواعيد دي
أما بالنسبة للاجازة فانتى عندك اجازة نص السنة مافيهاش ..
لكن اجازة الصيف بتبقى مطحنة بمعنى الكلمة
اقتباس:
|
واذا جبت جيد فى تانية اترشح لها فى تالتة
|
ركزى في الموضوع تاني وانتى بتقرى .. انا قولت ان القبول من سنة تانية مش من سنة تالته
يعنى انتى هاتبقى في سنة تانية وهاتخشي الامتحان ..
لو نجحتى فيه اسمك هايتسجل على انك نجحتى خلاص
بس دراستك هاتبدأ مع بداية سنة تالته على طول
اقتباس:
|
وكمان هو مفيش كتب نذاكر منها
|
لو قصدك على كتب تذاكريها عشان امتحان القبول فأكيد لا طبعا مالهاش
لكن لو قصدك على كتب اثناء ما الكورس شغال فدا اه هما بيدوكى الماتيريال بالسى دى الاصلى بكل حاجة
انا ماعرفش بالظبط لانى لسه بدرس فيها و ماخلصتهاش
بس اللى عرفته ان انا فى حال انى وصلت للمرحلة الاخيرة فيها يبقى ان شاء الله هاخلص فى صيف 2011
ودا معناه ان المنحة تقريبا كدا بتاخدلها حوالى سنتين وشوية