أنا قدمت في طب المنصورة فعلاً بعد ما صليت استخارة أكثر من مرة و دورت كتير في المقارنة بينها و بين أسنان
هو عموماً باختصار أسنان مشوارها أقصر و مستقبلها أضمن و مناهجها في الأول نفس مناهج طب لكن باختصار شوية يعنى بيدرسوا نفس مواد الفرقة الأولى في طب لكن على الرأس و العنق فقط .. إنما طبعاً بشرى بيدرس كله .. و بتتخرج طبيب أسنان على طول قبل الماجيستير و الكلام دة
طب بشرى أطول و أصعب و عايزة طول بال و طبعاً مذاكرتها خاصة أول 3 سنين حفظ X حفظ يعنى زى الأحياء كدة و بعد ما بتخلص الـ 6 سنين بتاخد سنة امتياز تدريب و بعدين سنتين التكليف و الماجيستير و الدكتوراه .. إلخ قبل ما تبدأ تشتغل طبيب بقى و بصراحة طب المنصورة بالذات عايز وسايط بالجملة في الشفوى و الـ clinical علشان ماتظلمش بس أحسن تلاقى واحد أقل منك جايب درجة أعلى علشان ابن دكتور ! .. إنما - في النهاية - هاتعرف إن الكفاح دة لم يضع و مكانتها الاجتماعية بتبقى أعلى خاصة لما بتاخد نيابة في الجامعة
|