أستنيت طيفك لو يجي
ويحضن قلبي
يقولي حبيبتي وحشاني عنيكي
وعدى الوقت ومر عليا
لحظه سيئه مرت لأسوأ لسه جايه
فين أحساسك بيا وقلبك
خوفك قلقك لحظه عليا
لهفة شوق ولحظه حنيه
ماهو مش كل شويه هاقول
عدى اليوم لكن بكرة
كل الاحاسيس دي أكيد جايه
أحساسك بيا وليد لحظه
تديني حنانك فنفس اللحظه
وتسيب قلبي يقاسي نيرانك
طول الوقت بعد اللحظه
مانا أنسانه وليا مشاعر
نفسي تخاف يوم بس عليا
مهما استحمل منك ببكي وأدراي
في وجع قلبي
وأقول هايحس وهايعوضني
وافضل أداري وأداري وأدراي
وبنيت من قسوة قلبك
جوه في قلبي
جدار قاسي وعالي
وكأني داريت جرحك فيا
ومسحت دموعي بأيديا
قولت عشان موجعش مشاعرك
لكن غلطه عمري وقلبي
أن جدار أوجاعك بيا
اللي داريته
منعك يوم تحس بقلبي
وتشوف أحساسي وتقدر حبي
وزادت أكتر وأكتر قسوتك عليا
__________________
النار لاتحرق الا رجل واطيها
اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى