عرض مشاركة واحدة
  #8  
قديم 04-05-2014, 04:23 PM
الصورة الرمزية smsmzeros
smsmzeros smsmzeros غير متواجد حالياً
عضو لامع
 
تاريخ التسجيل: May 2010
المشاركات: 2,428
معدل تقييم المستوى: 16
smsmzeros has a spectacular aura about
افتراضي خليها على الله


الدكتوره : نها .. طالبه فكلية طب
........
بصراحه انا ايام ثانوى بالنسبالى كانت احلى ايام ... احلى صحبه... واحسن مدرسين ... وافضل مستوى دراسى وصلت ليه هحكيلكم شويه عن تجربتى مع الاحياء...وبالرغم من انى كنت بحب الماده دى اوى بس كنت خايفه منها جدا ...يمكن لان ساعتها كان قدامى حل من اتنين عشان اخد درس فيها اما انى اروح عند مدرس كويس بس بعيد قوى عن مكان اقامتى او انى اختار مدرس من مدرستى او حته قريبه يقدر يجينى بسهوله ... ولانى بكره الاماكن البعيده والمواصلات فضلت انى اخد عند حد قريب ودى كانت اول غلطه " مش غلطه قوى يعنى"...بس للاسف هو شبه كرهنى ف الماده لدرجه انى كنت بذاكر المواد التانيه عشان اعوض اللى هنقصه ف الاحياء قبل ما امتحن اصلا... وقربت مواعيد الامتحانات وانا معلوماتى عنها لا تتعدى ال 60%... قولت خلاص بقى لازم اسيب عمو ده واكمل مع نفسى بملخصاتى ومذكراتى و ربنا يعيينى وبالفعل بدأت خلصت معظمها قبل ما نبدأ لغه عربيه ... بس للاسف هى كانت اخر ماده ولحد ما وصلنالها كنت خلاص جبت اخرى من التعليم كله ... المهم روحت الامتحان وانا مسلمه امورى لربنا وراضيه بأى نتيجه... والمفاجأه الامتحان كان كويس جدا مفيش فيه غير مسأله وراثه غلسه حبتين " حلتها برضه احنا جامدين مش اى كلام ".. وعدى ع خير بس مكنتش متوقعه ان الاحياء هى الماده اللى اقفل فيها درجاتها كامله اولا وان مجموعى يعدى 100% ثانيا" مش هنسى ابدا فرحتى ساعتها ولا احساسى بأن ربنا مضيعش تعبى ولا ماما وهى بتزغرد ولا بابا وهو بيقول لصاحبه ف التليفون دى بنتى ..الدكتوره "ربنا يكتب الفرحه لكل طالب سواء مجتهد او كسلان شويه
ونصيحتى ليكم‫
‏كن مع الله ولا تبالى‬‫
المستقبل قدامكم‬
روحوا ذاكروا بقى ونلتقى هناك ف‫ ‏الجامعه‬

__________________
اتعلم ازاي ترضى ، تصبر ، ،تنبسط ، تصنع سعادتك بنفسك وتساعد غيرك بدون انتظار اي مقابل اتعلم ازاى تنتصر ع الالم وتقوم اقوي واشجع ومتيأسش م المحاولات عشان المحاوله تستحق ، اتعلم تعيش 😉
رد مع اقتباس