[Dr.ahmed91]

المشاركة الأصلية كتبت بواسطة Dr.diamond

شكرا يا جماعه لردودكم

وكنت عايزه اسال على حاجتين فى الان اورجانيك

اول حاجه فى شابتر 6

هو مثلا هيدينى مركبين مرسومين بلويس وانا اقول انهى صح ولا انا اللى هارسم الاتنين الاول ؟

اصل انا اما باجى اجيب ال A , B وكده مش بعرف ارسم غير شكل واحد فقط

تانى حاجه بقى

هو ورق سامح وحش ؟؟

اصل انا جبت ورق امير فى شابتر 5 لقيته عادى جدا و لا يمكن عشان كان شابتر سهل؟

انا مش عارفه بصراحه انا على طول بزاكر من سامح وبحس انه منظم بس كتير قالولى انه امير احسن

ان اورجانك على الريق كده..مش حلو للجهاز السمبثاوي

بالنسبة لأول حاجة

السؤال في الحته دي بيجي كده

draw lewis structure for: HNO3 >>>>>>>>>EXAM2008

بتعملي ايه؟؟؟؟

بتحسبي A , B , C ,D

وبعد كده توزعي الروابط بتاعتك حتلاقي عندك رابطة ثنائية

طب ياربي الرابطة دي احطها فين بين N ,O ولا N,O التانية

ولابين N ,O اللي ماسكه في ال H

ساعتها بقى بتحسبي FORMAL CHARGE وتشوفي مين ينفع فيهم (يطلعوا اتنين..الاخير غلط)

وتعملي RESONANCE

ولو مثلا مفيش روابط ثنائية او كده بيطلعلك شكل واحد عادي جدااا

زي مثال O2 NH4

يارب تكون وصلت ولو فيه حاجة مش واضحة..اوضحها

بالنسبة للجزء التاني

مش مهم الورق بتاع مين؟؟؟ المهم تكوني انتي مستريحة وانتي بتذاكري وحاسة انك بتفهمي

ويكون الورق فيه الحاجات اللي بناخدها مش حاجات من بره ولاحاجات ناقصة واسلوبه زي الدكتورة

ميزة د/امير اللي انا شايفها انه بيعرف د/مهجة بتقول ايه؟؟ وبيصور محاضراتها كمان وقالت دي كذا وقالت دي
بالطريقة الفلانية والجزء ده بتحب تسأل فيه وكده

وعلى فكرة برضه فيه ناس مش بيتذاكر من ورق امير ولا سامح

فئة من الدحيحة صحابي بيذاكروا من ورق د/سليم وفيه ناس بتجيب ورق د. محمد صلاح بتاع الكورس

وكل يغني على ليلاه

انما انا عندي سامح او 3 فصول وشايفه ورق كويس وميفرقش عن د/امير قوي يعني

وذاكري من الورق اللي معاكي دلوقتي ومتشتتيش نفسك

بس لو فيه ورق مراجعة في الاخر هاتي بتاع د/امير برضه....مهم جدا..