[gamal saber]

المشاركة الأصلية كتبت بواسطة nano2222

مصراوي - خاص - قررت محكمة جنايات الأسكندرية بإخلاء سبيل كل من محمد عبد العال (11 سنة) في الصف الأول الإعدادي وشقيقه عبد العال عبد العال (16 سنة) في الصف الثالث الثانوي بعد أن كانت النيابة العامة قد وجهت لهم تهمة الانضمام للإخوان المسلمين وترويج أوراق مضمونها الأعمال الصالحة في العشر الأوائل من ذي الحجة.
وعلى جانب أخر، أمرت النيابة الكلية بالأسكندرية بتجديد حبس 18 عضواً من جماعة الإخوان المسلمين 15 يوماً على ذمة التحقيقات. كانت أجهزة الأمن قد ألقت القبض على المتهمين على خلفية التظاهر لفك الحصار عن غزة.
ووجهت لهم النيابة تهمة الانتماء إلى جماعة الإخوان التي أسست على خلاف القانون والغرض منها تعطيل الدستور ومحاولة قلب نظام الحكم وكذلك حيازة مطبوعات تدعو إلى فكر الجماعة.
ومن بين المقبوض عليهم إبراهيم السعيد عضو المكتب الإداري للجماعة في الأسكندرية والمهندس محمد إبراهيم نائب مسئول المكتب الإداري، وأبو زيد محمد الداعية والخطيب في منطقة الحضرة.

والله مش عارف اقول اية اضحك ولا ابكى
مش عارف ازاى خبر عبيط زى دة ممكن يكون حد من الى رد على الموضوع صدقة او حتى يكون كاتب الموضوع صدقة
يا سادة يا افاضل لو فرضنا جدلا ان فى قضية بالمنظر دة تمت واترفعت ووصلت للمحكمة مع ان دة مستحيل وبكرر مستحيل يبقى مفيش حاجة اسمها المحكمة اخلت سبيلهم دة جنان دة ولا اية على راى الكابنت بتاع مسلسل تامر وشوقية
اخلاء السبيل دة مقرر للنيابة العامة فقط لاغير محكمة الموضوع وهى هنا محكمة جنايات الاسكندرية تحكم اما بالبرائة او بالادانة مش باخلاء السبيل
وبعدين اية التهمة العجيبة بتاعة ترويج ورق مضمونة الاعمال الصالحة فى العشر الاوائل من زى الحجة دى دة بئة ان شاء الله ورد النص علية فى قانون اية عشان تبقى عارف النيابة مبتقلش يلا ياعم خد ادى تهمة والتانية وخلاص دة لازم يكون بناء على ورق وادلة وتوافر اركان كل جريمة واثباتات وحجات كتير جدا يبقى ازاى عاوز تفهمنى ان دة حصل والقضية احيلت الى المحكمة فعلا بالوصف والقيد دة لا والقاضى نظرها كمان الخبر دة فبركة وكمان من واحد بيعرفش يفبرك
والله حاجة تضحك
نفسى اقول مثل شعبى مشهور فى المواقف الى زى دى لاكن احتراما لمشاعر كل واحد شارك فى الموضوع مش هقولة