[مشتاقة لرضا الله]

ادى الرجالة ولا بلاش
بجد رجل والرجال انعدموا
مش عارفه اقول ايه بس اكتر حاجة لفتت نظرى وحرقت دمى بجد هو موقف الصحفيين العراقين
يعنى انا كنت بحسب انهم بيبقوا قاعدين بيغلوا من جواهم بس مش قادرين يعملوا حاجة
ولما واحد منهم جه يضحى بحياته نظير انه يثبت لهذا الحقير ان لسه فى رجالة مسلمين تلاقى موقفهم انهم يبقوا ضده ويضربوه لا ويعتذروا للرئيس الموقر على جرح احساسه المرهف
بجد حسبى الله ونعم الوكيل
والبطل ده مش بس اهان الكيان الامريكى ولا العلم ولا الحقير ده
ده اهان كل عربى ماعندهوش دم
واهان كل مسلم جاتله الفرصة انه يهين فيها المجرمين دول وماستغلهاش

المهم الله يرحم الصحفى البطل ده
وبجد هو دلوقتى لو اتقتل يبقى استريح لكن هما فعلا مش هيعدوها بالساهل
واللى انا متوقعاه وهيحصل فعلا
ان حكام العرب واولهم رئيس جمهوريتنا الموقر هينددوا باللى عمله الصحفى وهيعتذروا للرئيس الفاضل المبجل بوش
بس ياريت يقبل الاعتذار لحسن هيموتوا روحهم لو زعل منهم

حسبى الله ونعم الوكيل