[COoL HEaRT]

1- ايه هي هوايتك

انا وعدت انى هرد عليكى الاول


احم بالنوسبه لهوياتى بحب القراءه جدا مع انى مش معترفه بانها هوايه

مفروض اى حد يقرا لانه شيء طبيعى زى مالطبيعى ان الواحد يكون اهلاوى

كنت بلعب رياضه سباحه وتنس وتايكوندو

الصراحه كنت فاشله موت فى موضوع السباحه ده وليا مواقف منيله بنيله

بحب النت جداا ادمان يعنى
[QUOTE]
2- ايه هو اولقسم بتدخله لما بتفتح المنتدى؟؟واكتر عضو تحب تقرا مواضيعه ؟؟
[/
QUOTE]

العام واهداءات ومناسبات بحب القسمين دول واكتر حد بحب مواضيعه

امممم

مش حد معين حسب الموضوع بس عاده مواضيع الحاج اسلام بتبقى سياسه كده بتكون كويسه يعنى

وبحب مواضيعك ومش مجامله اصل بحس ان نفس التفكير فى حجات كتير
[QUOTE]

3- اكتر حاجة مديقاك في المنتدى

[/
QUOTE]


مش حاجه معينه بس انا عاده مش بحب نظام الاداره انتى عارفه بتخنق من نظام التطنيش

اما تعدى تقولى فى حاجه وتلاقى المحصله صفر ع الشمال بتبقى حاجه خنقه اوى

بالاضافه الا ان فى اسلوب كده اللى عاجبه عاجبه واللى مش عاجبه يخبط راسه فى الحيط

بذايق من بعض الاعضاء التافهين او اللى مش ليهم حضور

4- لو لم اكن مصريا لوددت ان اكون ..................

فى حد كان كملها وقال لارتحت نفسيا انا مقتنعه بالجمله دى

الصراحه مش بحب نظام البلد دى

واول احلامى او تانى مش فاكره انى اسافر

6- اكتر شيء يفرحك ؟؟

اكتر حاجه بتفرحنى بصى انا بحب اشوف فرحه الناس ده بوجه عام لما الاقى حد فرحان السعاده دى بتنتقل ليا

بس بشكل خاص لما اثبت نفسي فى حاجه ولما افرح بابا وماما

7[QUOTE]- اكتر شيء يحزنك
؟وحزنك بيكون شكله ايه
؟وبتعبر عنه ازاي ؟

[/

QUOTE]

لو حد مات
بس
انا صعب اوى تلاقينى زعلانه وبردو بزعل لما الاقى انى اديت لحد ثقه مش يستاهلها

بصى حسب درجه الحزن لو اعلى حاجه بحس انى تايهه جداا وببلم كده ومش بنطق

اما لو الموضوع زعل عادى وسريع بعيط شويه بس لو حد شافنى بعيط بتعصب ع اللى قدامى وبيطلع عليه كله

بس عاده الواحد لو زعلان بكلم كام شخصيه كده وبرتاح نفسيا وبهدى

8- هدف نفسك تحققه ؟

اكون جراحه مخ واعصاب او قلب

واسافر بره البلد دى

واكتب كتاب

واموت وانا مستريحه

9- ماذا تعني لكي هذه الكلمات :

- الخيانه

احم لا لسه محدش خانى بس عامه اوحش حاجه انك تحس ان حد انت ادتله ثقتك وهو مفرقش معاه حاجه وباعك

- الدموع

ضعـــــف

- الحب

والله يا بنتى هقلك رايي فى الموكوع ده

وع راى الاديب طلعت زكريا حب الله وحب الوطن وحب بابا وماما

بالاضافه الى الاصدقاء وخلاص

اما حب ولد لبنت وكده لا اقتنع به بتاتا

بحس انه ضحك ع الدقون اوى

- الوطن

بحب العنوان اللى بيكتبه احمد رضا بتاع اى مكان هيقدرنى هو ده هيكون بلدى او وطنى حاجه كده

من رايي ان البلد او الوطن بتدى لولادها مش بتهينهم ويشوفوا فيها الزل والقرف

فهكتفى بتعريف الحاج احمد


10- تقول لمين :


من المنتدى يعنى!!

- حسبي الله ونعم الوكيل
.
مفيش حد معين بس شكلى هقولها للبت زينب بالاسئله بتاعتها دى

- اسف مكنش قصدي .

مش بتأسف لحد اصل اللى بزعله ياما بيكون عندى حق يأما بعتذرله بعدها ع طول مش بستنى

بس عامه اللى كنت اعتذرتله كان الحاج محمود طه كنا اتشاكلنا

بس طلع بجد حد محترم جدااا


- الله يسهلك .

هههههههههه

هو فى شحاتين هنا

لا معرفش موضوع الله يسهلك ده

-المنتدى ملوش طعم من غيرك

بريشس

-رأيك فيا يهمني

اللى بهتم بارائهم هم مها وهيام وبسام وزينب وشيماء لانهم الى حد ما يعرفونى كويس ولما هيقولوا رأى فيا مش هيكون حكم طيارى كده لا هيكون لسبب ما فبهتم اكيد
بس ميمنعش انى بهتم بمعظم الاراء وبحاول اصلح فى نفسي الى حد ما

11- رساله تبعتها لــ 5 من اعضا ءفي المنتدى...

يعنى اقلك الخمسه ولا اقول الرساله

بس عامه هى رساله للجميع ربنا يوفقهم فى دراستهم ويكونوا حاجه كويسه للبلد دى


12- لو سمحولك تمسك منصب قيادي في البلد تختار ايه؟ وليه ؟ وماهو اول قرار هتاخده ؟

همسك مكان الحاج حسنى وبكده احل الوزاره العجيبه دى ونجيب ناس ع نضافه ويكونوا ناس ثقه وعندهم امل انهم يتطوروا البلد دى بجد
وهحاول الغى الثانويه العامه


13- لو اتيحت لك الة الزمن للسفر عبر التاريخ .... الي اي زمن هتسافر ؟ وليه ؟

هو انا بحب الزمن بتاع الفرسان والكلام ده هتلاقيه فى افلام كتير

فى فيلم بحبه اوى اسمه
knights tale

فى ابستروف فوق بس مش لاقياها ع الكيبورد
هو بيجسد فتره كده بتاعه الفرسان وكده

بحب انا النظام القديم فى كل حاجه

شوية اسئلة منقوشين كده على اد ماقسم
بجد عاوزة اعرف مجموعك في تانية كان في حدود كام يعني تسعينات ..تمانينات كده يعني

فضحتى الواد

اما عن نفسي 98 وحبه

سؤال اخير
ايه رأيك في السادات
ولو مش هتجاوب يبقى سؤالي
انت ليه مش بتجاوب على السؤال ده دايما

ده بتاع عادل بئا يا ستى مليش دعوه

متشكرين ع الاسئله يا اختشى منجلكيش فى حاجه وحشه