[طارق ممدوح ذكي محمد]

المشاركة الأصلية كتبت بواسطة اية عميش

اولا جزاك الله خيرا يا أستاذ طارق على المجهود اللي حضرتك بتبذله معانا

ثانيا بالنسبة للحاجات اللي بتضايقني في نفسي حاجات كتيييييييييييييييرة اوي مثل اني مش بعرف اكون صداقات و بتكسف جدا و مش بعرف اتكلم يعني مش عندي لباقة في الكلام و مش بحب اصلا اتكلم مع الناس كتير و لما بتعصب بكون وحشة جدا و دايما بحس اني مش عايزة الدنيا دي و دائما عايشة منعزلة لوحدي و عايشة في خيالي عندي حياتي و الشخصيات و الناس اللي عايزة اتعامل معاهم في خيالي بس و مش عايزة اخرج منهم و احيانا كتير بخاف من الناس بخاف اتعامل مع حد او اتكلم مع حد و كتير جدا بكون مخنوقة و عايزة اعيط بس مش بعرف اعيط و صعب جدا ان حد يشوفني بعيط لاني مش بحب حد يشوفني بعيط لدرجة ساعات ممكن تحصل حاجات محزنة جدا و انا بكون زعلانة جدا جوايا بس مش باقدر اعبر عن نفسي لدرجة انهم ساعات بيقولوا عليا اني مش بحس و المشكلة بقى ان في اصحابي و اهلي و مدرسين بيقولولي اني مش المفروض اني اثق في الناس بالشكل ده و ان انا ساذجة و طيبة زيادة مع اني مش شايفة نفسي كده و بدأت فعلا اشك في حاجات كتير

ديه يعني بعض الحاجات اللي بضايقني

معلش انا طولت عليكم بس اصلي ما صدقت اتكلم و اقدر احكي عن نفسي

اولا لا شكر على واااااااااااااجب

ثانيا : المشاكل اللي عندك دي في رأيي انها مشاكل متعلقة بمرحلة المراهقة .. ودي بتختلف من شخص لاخر حسب شخصية كل مراهق او مراهقة يعني الانسان الاجتماعي بيعدي المرحلة دي اسهل من الانطوائي واللي شديد الحساسية زيك كده ... مطلوب انك تعرفي ان :
1- الانسان كائن اجتماعي لا بد له من التواصل الدائم مع الاخرين كما ان قوة ارتباطنا بمن حولنا تنعكس على شخصية الانسان وتجعله اكثر قوة وتماسك .
2- انفعالات ومشاعر الحزن عند الانسان ليست ضعف يجب ان نخفيه فكل الناس ونحن منهم يمرون بذلك .
3-شيء طبيعي نتيجة لابتعادك عن الحياة الاجتماعية انك تنقصك الخبرة في التعامل مع الناس .. يجب اولا انك تقوي علاقتك بالمقربين اليكي حاليا حتى تكتسبي الخبرة في التعامل وبعدها سيكون من السهل عليكي التواصل مع الاخرين.

عموما انا اتكلمت بشكل عام لنقاط ممكن تفيد الجميع وده لانك ايضا ما ركزتيش على مشكلى بعينها ومنتظر اي استفسار منك .....