[dr.zomba]

المشاركة الأصلية كتبت بواسطة قلبى المجروح دائما

مش معقول عادل منور كرسى الاعتراف

حتي انت يا رامي كل الناس ما صدقت

يلا بقى نبتدى

امري لله

1 - عادل ياترى ايه الموقف اللى خلاك تغير مجرى حياتك كلها وكل تفكيرك ؟

مفيش موقف معين الفكرة كلها ان الواحد كبر شوية وتفكيره نضح دا غير الحاجات اللي قرأتها من مواضيع ومشاركات

2- ياترى انتا بتتاثر براى الاخرين فيك وبتحاول تغير نفسك عشان ترضيهم ؟

اه بتأثر برآي الاخرين وبحاول اغير من نفسي بس مش عشان ارضي الاخرين عشان اكيد الاخرين شايفين عيوب فيا انا مش شايفها ويبقي اكيد لازم احاول اصلح من نفسي

3- ياترى ماهو هدفك وطموحك فى الحياة ؟
اني اعمل حاجة للاسلام باي طريقة
4- ياترى ممكن تتنازل عن جزء من مبادئك فى سبيل الوصول لهدفك ؟
لا
5- ياترى ماهى معايير تقيمك لشخص فى اول تعارف ؟
طريقة كلامه وتفكيره
6- ياترى انتا صريح لدرجة انك ممكن تقول للشخص عيوبه مباشرة ؟
ممكن اكون صريح بس مش لدرجة الوقاحة
7-ياترى ايه مبدائك فى الحياة ؟
افعل يا ابن ادم كما تشاء كما تدين تدان
8- ياترى فى حكمك على الاشخاص او فى قرارك متسرع ولا بتفكر ؟
احيانا واحيانا
9- ياترى لما قابلت محمد كوماند لقيت شخصيته على المنتدى هى فعلا شخصيته فى الحقيقة ولا ايه ؟
انا اصلا متعاملتش معاه كتير قبل ما اقابله عشان كدا مكنتش اعرف شخصيته اوي بس هو اهدي شويه في الحقيقة عن المنتدي
10- هل ياترى انتا بتكلم اكتر ما بتسمع ولا العكس ؟
اظن اني بسمع اكتر
11- هل ياترى لو عملت حاجة وبعدين عرفت انها غلط ممكن تعترف بخطائك ؟

بصراحة مش دايما بس بحاول بقدر الامكان اعترف دايما
وكفاية كده لحد لما افكر فى اسئلة

ههههههههههههههههههههه طب ما تفكر شوية يا رامي يمكن يكون وراك حاجة

المشاركة الأصلية كتبت بواسطة nanes

عودة يا عادل يا غالي,,, وبما إن امتحان الفيزيا جه صعب جدا وطويل ,,, قلت لنفسي زي المرة اللي فاتت ,, عادل ع الكرسي,, اطلع همي فيه
يادي النيلة المنيلة بنيلة ارغي يا بنتي يلا

* بتقرأ لمين مواضيع في المنتدى ؟؟
احمد رضا واسلام وبراءة دول اللي بدور علي مواضيعهم بس بقرأ للكل
* بتقرأ جرايد ؟ ولو بتقرا يبقى ايه هيا ؟
لا مش بقرأ جرايد
*ايه رأيك في بلدنا مصر ؟
بلد حلوة جدا جدا وغنية جدا جدا بس للاسف الادارة اللي مسكاها واخده خيرها ليها وبس
* نفسك في ايه ؟
نفسي اخلص الكلية واشتغل
*ايه هو اكبر طموح ليك ؟

اني اكون راجل ناجح ورمز للاسلام

مفيش في دماغي دلوقتي حاجه غير دي ,,,, لكن هتروح مني فين يعني .. لنا لقاء آخر

تضلمي بقي

روحي يا بنتي شوفي مزاكرتك الاسئلة والتعذيب دا مش هينفعك