[ريحانه من الجنه]

المشاركة الأصلية كتبت بواسطة [ kubeed ]

طب ايه رأيك ف واحد كان بادئ دروس في شهر أربعه اللي قبل الامتحانات بشهرين

وكان معاه ست مواد
وجاب في الخمس مواد الأساسيين 96.6 %
تفتكري الفرق بينه وبين واحد بادئ من شهر 8 ايه ؟
الفرق ياسندريلا انه عايز يبقي محترم
الفرق انه عرف مبدأ ومشي عليه
" مفيش حد بيحترم فاشل "
كل الناس اللي حواليكي دول ومحاوطينك ومدينك قدرك
هينفروا منك لو بقيتي فاشله ومش عارفه تحققي حاجة - لا قدر الله -
فقدامك طريقين

الطريق الأول : انك تخلي هدفك انك تجيبي أعلي درجه او تتميزي ومش مشكلة هتدخلي ايه .. وانك تلاقي نفسك عامله زي المغناطيس الناس بتعمل كل مجهودها عشان تتقرب منك وتنال اعجابك ورضاكي

الطريق التاني : افضلي قلقانه وافضلي مستنيه حد يقولك ذاكري .. وافضلي كمان حاطه في دماغك ان مفيش فرق بين المذاكره وعدم المذاكره مادام هتدخلي جامعه خاصه وهتلاقي كل الناس اللي كانوا حواليكي وبيحبوا سندريلا عشان سندريلا
هتلاقيهم اتغيروا بناس اجارك الله

واسألي نفسك سؤال مهم
انتي دلوقتي عندك كام سنه
نفترض 17
بعد ما تعدي ثانوية هيبقي عندك كام سنه 18
لو بقيتي فاشله هيبقي عندك كام سنه بعد سنه 18
لو بقيتي متفوقة هيبقي عندك كام سنه بعد سنه 18

انا مبقولكيش تعملي ايه علي فكرة
انا ببينلك الطريق بس وانتي تمشيه
لان محدش يعرف سندريلا غير سندريلا
ومحدش هيحس بسندريلا غير سندريلا

و الله عند حضرتك حق ف كل كلمه
محدش هيحس بيا غيري

جزاك الله خيرا على الكلام ده

اما حبيبتى سندريلا صاحبه الموضوع
ربنا يوفقك يا رب و يكرمك و يوفقنا جميعاا
و متقلقيش
كانا فى مركب واحده



عاارفه اللى احنا فيه ده بيفكرنى بموقف كلنا هنمر بيه
يوم القيامه

المرور على الصراط



ما هو كلنا هنمر من عليه
بس بتفرق
ناس هيمروا بسرعه البرق ( ما شاءاله يا رب اجعلنا منهم )

و ناس هيمروا بسرعه الجواد

و ناس هيمروا سحفا على وجوههم
يا رب لا تجعلنا منهم

و هكذا .......


ياا رب توفقنا جميعا لما تحبه و ترضاه اللهم امين
و معلش اسفه لو طولت عليكى