يا استاذى انا لااشكك نهائيا فيكم ولا فى اى عضو من اعضاء المنتدى وانا اعلم ان المنتدى يضم مجموعة رائعة من المعلمين المبدعين وانت واحد منهم ( احسبك كذلك ولا اذكى على الله احدا) وكمان انا مش باقدر البلاء ولا حاجة ، كل مافى الامر انى باشوف الموضوع من زوايا اخرى وهدفى هو مصلحة هذا المنتدى المتميز
المنتدى ماشاء الله كسب كتير جدااا بفضل الله عز وجل ثم جهودكم الرائعة
المفروض نحافظ على النجاح ده مش نجرى وراء كلام براق غير مدروس
من 4 سنين انا عملت منتدى vb وطورت هاكاته بشكل كويس جدا وكان منتدى تعليمى
كنت باسهر يوميا علشان اطوره واقسمه وابرمج هاكاته ومنتجاته وفى النهاية عرضته على مركز التطوير التكنولوجى بمحافظتى والحمد لله اسمى كان معروف اوى عندهم
وتحمسوا للفكرة وكان كل طلبى ان يكون ليا لنك على موقع الوزارة
وجاء الرد كالاتى
شغلك جمييييييييييييييل جداااااااااااا لكن
تضمن منين كذا وكذا وكذا
عملت المستحيل علشان اعمل هاك يمكننى من عمل اكواد عضوية توزع على مجموعة معينة من المدارس كبداية لكن للاسف مع نظام ال vb مكملتش لان فكرة الهاك تحتاج الى مبرمج محترف وقوى جدااااااااا
وانا كل اللى طلبته من حضرتك طلب شرعى جداااااااااااااااااا
تضمن منين ان اللى هيتكلم باسمى واسمك يكون معلم ؟
طيب ماهو ممكن عناصر معينة تسجل وتثبت جداره وفى نفس الوقت تدخلنا فى مشاكل احنا فى غنى عنها
مش توقع للبلاء ابدا يا استاذى
لكن السلبيات هتكون اكثر من الايجابيات
وبعدين الانسان ما وصلش للقمر وقمة الابداع العلمى بالقرارات العشوائية لكن بالتفكير العلمى والمنطقى
مطلوب نفكر بهدوء ونحسبها صح وبعدها نقرر اللى فيه مصلحة المنتدى والاعضاء
وصدقنى انا معاكم مادمنا نهدف لمصلحة المعلم دون عشوائية او تجريح بدون داعى
واسف للاطاله