الفكرة من حيث الشكل جميلة جدااااااااااا
لكن مش مدروسه كويس وتتمتع بقدر كبير جداااااااااااااااااااااااااا من عشوائية القرار
معرفش يعنى ايه اعضاء منتدى vb يمثلوا معلمى مصر ويتحدثون باسمهم ؟!!!!!!!!!
اولا علشان يحصل الكلام ده لازم نضمن ان عضوية المنتدى هتكون للمعلم
وعلشان يحصل كده لازم المعلم يحصل على كود معين لايحصل عليه غيره ويسجل عضويته فى المنتدى عن طريق هذا الكود واعتقد ان الكلام ده مش متاح مع منتديات فقيرة تكنولوجيا زى منتديات ال vb
تضمن منين ان ملا ما يحصلش ان معلم يهودى عربى يشترك فى المنتدى ؟
عن طريق فكره مثلا ولا ايه ؟!!!!!!!! مش فاهما ديه
وبعدين ايه هى افكار الرابطة وفلسفتها ومنهجها
ولا هنعارض لمجرد المعارضة
كلامى تقيل عليكم اكيييييييييييد
ويمكن البعض هيطالب بالغاء عضويتى لانى معلم غير وطنى لانى مش موافق على اللى وافقت عليه الاغلبية
السؤال الاكثر الحاحا الان
مين هيمثل مين ؟
والرابطة ديه ايه اهدافها وايه منهجها ؟
الشكل القانونى للرابطة مين يضمنه واحنا على النت ، يعنى محدش تقريبا يعرف حد
مجرد عضوية الكترونية
ولا هندخل نشتم فى الحكومة والنظام والوزير وخلاص
ولا هتكون مجرد ساحة ومتنفس لكل حد عاوز يهرج
كده احنا بنخرج المنتدى عن اهدافه الاساسية
المنتدى ثقافى علمى يخدم المعرفة والعملية التعليمية
واذا خرج المنتدى عن هذا الهدف هيتحول الى ساحة للعشوائيات
بلاش نندفع وراء كلام شكله حلو اوى لكن ممكن يظهر معلمى مصر بشكل بشع جدااااااااا
هاكرر سؤالى مره كمان لمشرف القسم
يا استاذى تضمن منين ان مجلس ادارة الرابطة هيكون من معلمى مصر فعلا ؟ مع العلم ان العضوية نفسها مشكوك فيها لان اى حد ممكن يسجل فى المنتدى ويتكلم باسم معلمى مصر
وايه هو المنهج والشكل القانونى علشان نتكلم باسم معلمى مصر ؟
وتضمن منين ان الرابطة ما تتحولش لساحة لاى تيار سياسى مثل الاخوان او اى جزب سياسى ؟
مطلوب منك وضع الضمانات اولا لان الموضوع مش صغير وديه مسئولية امام الله عز وجل وامام ضمائرنا
ولى عودة ان شاء الله