[مس رانيا حسن]

المشاركة الأصلية كتبت بواسطة -sherif-

انا بقا حصلي موقف هوا عادي جدا ممكن يحصل لاي حد لكن ميزته معايا انا بالذات انه مقترن بالملفات السوداء (مجازا)

اللي هيا ملفات الانجاز اللي بشيلها كل يوم رايح جاي
بما اني مدرس انجليزي ابتدائي ومعي تسع فصوووووووول !!!!!
يوميا انشغالي الوحيد هو ملفات الانجاز الخاصة بهم
ومن كتر انشغالي امبارح قمت من النوم الصبح متأخر من سهري عليهم بالليل
قمت الساعة تمانية (ميعاد بدء الحصة الاولي) ولبست بسرعة الصاروخ كالمجنون
وذهبت للمدرسة جري
وبعد الفسحة جاء أحد أولياء الامور ليتحدث معي عن ابنه
واثناء حديثنا وقعت علي الارض (استيكة احد التلاميذ)
فنزلت بسلامة نية اجيبها من ع الارض
واذا بالمفاجأة
حضرتي لابس فردة جزمة سودة وفردة بيج
حصل ازاي ده؟؟؟؟؟
والله ماعرف
ماشي ازاي طول الطريق كده امام الاف البشر؟؟؟؟؟؟
برضه والله ماعرف
واللونين مختلفين تماما
بل واستايل الجزمة مختلف عن الفردة التانية خالص
والمدرسين اتلموا عليا فجأة وبمجرد مانا بصيت كأنهم مستنيين اني اكتشف الموضوع عشان يكتشفوه هما كمان
و عاديك بقا ع السخسخة اللي كانوا فيها
كأنهم ماضحكوش بقالهم سنين
فتحوا في الضحك
حسيت اني أهبـــــــــــــــــــــــــــــــــــــــــــــــ ـــــــل
واتحسرت علي حالي
وقلت يا سلام لو طلعت دلوقتي حالا في برنامج تسعين دقيقة عشان يشوفوا منظر المدرس مصاص الدماء زي مابيقولوا عليه
(مع العلم اني لم اتزوج بعد)

امال اما اتجوز؟؟؟؟؟؟؟؟

ان شاء الله لما حضرتك تتزوج مش هيتكرر ده تانى
جزاكم الله خيرا
وشكرا على مشاركتك الطيبه
فى امان الله