اقتباس:
المشاركة الأصلية كتبت بواسطة sharp nails
مش فهمنى
انا اقصد صداقة, اخوة
لية لما اعتبر حد اختى او اخويا
هما يبعدوا بسهولة اوى
انتوا مخكوا راح فى حتة تانية خالص
|
بصي يا نسمة انا اتخانت كتير اوي بس الحمد لله كانت من صديق واحد و ماتكررتش و نسيتها خلاصو الباقي كانوا عاديين لانهم مكانوش اخواتي زي الصديق ده
اعملي حسابك ان الشخص ده مهما كان غلطان فانتي بارده غلطانة
ايوه غلطانة لانك خليتي واحد في مكانه اخوكي او اختك و هو ميستحقهاش
و بالنسبة للاسباب اللي طالباها دي بقا بتبقي كتيرة
ممكن الشخص ده ماعتبركيش زي اخته
و ممكن بارده كان عاوز منك مصلحة و انتي عملتيهاله و خلاص
و ممكن بارده يكون معرفشي معني الصداقة اللي وصلت لحد الاخوة
و في الاخر يا نسمة من نعمة ربنا علينا النسيان
لازم تنسي الشخص ده و تعيشي حياتك الطبيعية عادي جدا
لازم تنسي علشان تقدري تكملي
اعتبريه واحد \ة خاين \ة و عدي خلاص
ميستاهلشي انه يتفكر فيه تاني
في امان الله