اقتباس:
المشاركة الأصلية كتبت بواسطة gooooa
السلام عليكم
اقولك فيه ايه سيدى كما ارى واتصور وبدون زعل
هناك مواضيع مهمة جدا تكتب فى مواضيع ومواد مختلفة
وهناك جهابزة بالمنتدى فى هذه المجالات محدش منهم بيعبرها ويعلق او يقول اى راى
ولما يكتب هو كتير بيعبره
معرفش ده بسبب ايه
صداقات - زماله
معرفش
ربما
كنت اتمنى ان الناس دى تقول رايها كل على الاقل فيما يختص وميهملش المواضيع دى
معرفش ايه السبب
ليه مش بيعبرها
او ليه مش بيعبر اصحابها
ربما مش عاجبينه مثلا!
يمكن عادى
دا وجهة نظرى
انا مثلا على فكرة عضو لى مشاركات باكثر من 20 منتدى تعليمى محلى وعربى
ولا احتاج شكرا ولا ثناءا ولا اكترث بمثل هذه الامور
هدفى فهم الاستفادة والتعلم ونقل الخبرة من الاخرين لى والعكس
لكن ربما هناك اهداف اخرى لبعض الاشخاص!!!!!!!!!!
على كل هناك قول جميل احترمه جدا ليمخائيل نعيمة
يقول
وعظتنى نفسى فعلمتنى الا اطرب لمديح او اجزع لمذمة
تقبل تحياتىوللجميع خالص التقدير والاحترام
|
يا أخي الفاضل
حرام عليك
بلاش سوء ظن بالناس
اقسم بالله مافيش اي حاجة بتحصل من التهيؤات اللي حضرتك بتفكر فيها دي نهائي
بدليل انا علي سبيل المثال
اقسم بالله العظيم تسعين في الميه من ردودي علي بعض الموضوعات بتكون بدون ما اشوف مين صاحب الموضوع تخيل؟؟؟؟
يمكن بعرف بعد ما اكتب المشاركة او الرد عشان اكون محايد
وبعدين انت نفسك قرات اخر موضوع ليا و عجبك ومدحت فيا وفي الموضوع وعملت موضوع عن اللغة العربية
هل معني مدحك ليا ان احنا صحاب ومظبطين مع بعض؟؟؟؟؟؟؟؟؟
بالله عليك ابعد التفكيرات دي من دماغك
الموضوع بيفرض نفسه
بدليل ان في عمالقة في المنتدي ليهم بعض الموضوعات اللي ماكنش ليها اي مردود وضاعت وانتهت وسط الصفحات لانها لم تكن جديرة بالاهتمام
اذن الموضوع هوا اللي بنحكم عليه ومدي اهميته للاعضاء
وبعدين هل كل موضوعات الكادر اللي في القسم تم عملها والمشاركة فيها عن طريق خمس او ستة اعضاء زي ما بيقول صاحب الموضوع؟
بقا ده كلام؟
طب حاول تشوف بنفسك وتقلب في صفحات الكادر
هتعرف مليون واحد كاتب موضوع غاية في الاهمية ومش معروف اساسا ولا ليه اصحاب في المنتدي ولا حاجه
ارجو بالله عليك نفكر في حاجة تفيد المنتدي و نفيد نفسنا بيها بعيدا عن المهاترات والكلام اللي لا يقدم ولا يؤخر