19-11-2008, 05:13 PM
|
 |
عضو قدوة
|
|
تاريخ التسجيل: Dec 2006
العمر: 34
المشاركات: 2,132
معدل تقييم المستوى: 0
|
|
سوري يا دكتور (ان شاء الله) كله مشغول بامتحانات الميد ترم
اقتباس:
|
انا اساسا فى الازهر فى3 ثانوى
|
تمام
اقتباس:
اساس المشكلة بقى ان المعهد عندنا فوضى وممنوع الغياب وكمان عندنا نظام اليوم الكامل يعنى بخرج من المعهد الساعة 2 دا فى اقل تقدير
|
طب لو غبتي ايه اللي حيحصل ... يعني نظام الرفد عندكوا ازاي ..فيه منازل؟؟ يعني حاولي تطنشي المعهد
لو حتى مثلا في الترم التاني..
اقتباس:
وبعد المعهد بتبدأ الدروس
والجدول بتاعى
السبت /احياء
الاحد / رياضة
الاثنين / كيمياء
الثلاثاء / انجليزى
الخميس / رياضة
الجمعة / فيزياء
وعبقال مااروح البيت بروح فى حدود الساعة 5 او 6 لان بيتى بعيد عن الدروس كلها
بروح بكو ن هلكانة مش قادرة اشوف قدامى وبعدين بتبدا الغرف الصوتية هنا وبما انى ازهر فتبدا عندى من الساعة 7
|
بصراحة.. انا مش عارف اقول ايه؟؟ بجد صعبانة عليا.. انتي لازم تستثمري الوقت بأي طريقة
تذاكري قبل ما تروحي المعهد.. بعد ما تيجي من المعهد..يوم الاجازة تصحي من الفجر تذاكري (انا كل يوم كده)
تحاولي تمنعي التلفزيون وتقللي النت على قد ما تقدري ..مش حينفع تحضري كل الدروس وتروحي المعهد وكمان الغرف الصوتية..انتي كده مش حتذاكري خاالص
الا
اقتباس:
نجليزى كان عندى فيه شوية مشاكل لكن الحمد لله المدرسين اللى هنا فى المنتدى حلولى المشاكل دى
|
ا/بدوي راجل مممتاز هو و الاساتذة الافاضل
اقتباس:
|
الاحياء واعوز بالله منها هاتخلينى انتحر ال dna مش فاهمة منه حاجة ولاعارفاه اساسا وبروح الدرس وانا مش فهماه والمدرس يقعد ييعيد ويزيد وانا ولا هنا
|
ليه بس ده سهل جدااااا..بس هو في الاول بيبقى غلس..والله انا لسه شرحه لصحابي في علوم جيولوجيا امبارح وهما اساسا كانوا رياضة2 بس الحمد لله فهموا.. هو عاوز بس شوية تركيز وحفظ وفهم
ود/هشام هنا بيشرحه بطريقة سهلة وبسيطة بس في شهر 2 او3
اقتباس:
والفيزياء بقى المدرس اللى باخد عنده درس مش بيشرح غير المسائل وسايب كل حاجة نظرى
|
طب حاولي تخليه يشرح نظري..اسأليه..او لو عاوزه تغيريه وتاخدي عند حد تاني..وعلى فكرة المسائل كلها حلها بيبقى من النظري عشان افكارها كده
اقتباس:
مش عارفة اعمل ايه حاسة ان السنة ضاعت من ايدى ومش عارفة اظبط وقتى خالص
وغير دا كله عليا ضغط نفسى جامد
بسبب انى طلعت الاولى على المحافظة فى 3 اعدادى وكله منتظر هاعمل ايه السنة دى
انا بقيت خايفة اقول لحد انى ممكن افشل ومحدش مصدقنى خالص
|
اهدي بس كده وبالراحة..السنة مضعتش ولاحاجة وان شاء الله حتعدي وترجعي تفتكري الايام دي وتضحكي
زي ما كلنا كده
بصي بقى اخر كلامي:
1- حاولي تنظمي وقتك بأي طريقة
2- ذاكري حاجة حاجة وخلصي جزء جزء ولو حتى صغير
3- لما تذاكري حاجة تذاكريها بجد كأنك خلاص حتمتحني فيها بكره
4- تذاكري بالورقة والقلم وشفوي مع بعض
4- مفيش حاجة اسمها مبحبش او حاجة صعبة فحاولي تخلي الحاجة قدامك تبان سهلة عشان تحبيها
5- اعملي جدول لنفسك وبلاش تضييع الوقت الكتير في الدروس والغرفة الصوتية
6- حاولي تظبطي مواعيد المعهد ده لو حتى تنظمي غيابك بحيث يبقى عندك يوم فاضي كامل
انتي مركزه معايا؟؟؟
طب لو مركزه خدتي بالك ان نقطة 4 متكررة مرتين
مش قولتلك ركزي..
وربنا يوفقك ... انا عارف ان الازهر صعب وامتحاناته صعبة
بس ان شاء الله كله يهون وتعدي وتدخلي كليتك بأذن الله
|