اختى الفاضلة
طبعا انا فرحان انك عايزة تدخلى هندسة
لأنى انا فى هندسة دلوقتى
قسم مدنى
انا بالنسبة ليا اما كنت فى الثانوية
بصراحة كنت طول السنة يدوب المدرسة والدروس
وطبعا الواجبات بتاع المدرسة والدروس
وان كان فى مراجعة او امتحان فى الدرس او المدرسة
كنت اذاكر الجزء اللى عليه الامنتحان وخلاص
طبعا انا مش عايز حد يعمل كده خالص
لان الحكاية دى تعبتنى جدا اخر السنة
المهم يا ستى
انا جيت بقى فى اخر شهر ده
وطحنت نفسى مذاكرة
بأمانة انا عمرى ما هاذاكر المذاكرة دى تانى
ما كنتش بنام فعلا
كنت بنام فى اليوم ساعتين بس من 2 بالليل ل 4 الفجر
طول النهار واليل مذاكرة
والحمد لله جبت 92.3 ودخلت هندسة
طبعا بما اننا فى اخر السنة انا مش هاقولك اعملى ايه وما تعمليش ايه
انما انتى لو كنت ماشيى فى المذاكرة منتظمة يبقى كملى اللى انتى كنتى عليه
وزميلتك تبدأ معاكىوما تخافش خالص هى بس
هاتبذل مجهود كبير شوية علشان تعوض الوقت بتاع اول السنة
ولو انتى كنتى يعنى نص ونص
يبقى تبدأو انتو الاتنين مع بعض
بس تبقى مذاكرة وى ما قولتلك طحن موووت
ومعلش بقى هى الثانوية كده
انما ان شاء الله ربنا هايكرمك
مادمتى عايزة تدخلى هندسة
يارب اكون افدتك
يا باشمهندسة
__________________
time is time was but time shall be no more
|