اقتباس:

قام حصل اللى حصل دخلت أنا قولت رأيى بكل موضوعيه أى نعم مسبقاً الأستاذ أشرف كان بيبقى غلطان من الـ أ إلى الـ ى بس هنه فعلاً كان بدأ يتحسن لكن مفيش حد مدى للتانى فرصه فكان لازم يكون رأيى محايد رأى أنا فعلاً حاسه من جوايا يعنى أنا شايف إسلام شخص كويس كاتب بارع ناقد ماهر لكن عصبى متوتر وممكن يودى مركب كامله تحت قياده فى " 60 دهيه " بعصبيته دى وشايف فى نفس الوقت الناس بحالها بتشجعه مبسوطه باللى بيحصل فرحانه أى نعم هما أصحاب حق لكن " طريقه العرض والطلب " عمرها ما كانت بتبقى بالشكل ده مينفعش الإسلوب ده خالص أنا بحط نفسى مكان الأستاذ أشرف وبجد بحس إن " التنفيض " هو الحل الوحيد لأنى لو فعلاً رديت على كل الكم ده من النقد وبالإسلوب ده كمان مش هقدر أواصل . فكان لازم وقفه لازم حد يوقفه وخصوصاً لما يبقى الحد ده فعلاً عارف إسلام صح يعنى عارف إن ممكن بركان الغضب والثوره ده لو هدى وقعد مع نفسه وعرف إن فعلاً الإسلوب نص الطريق فى الوصول للهدف المطلوب هيبقى حاجه عارف ومتأكد إنه فتره غيابه مش هتزيد بس هيرجع أفضل ومصمم يثبت الأفضل بالرغم من إنه مصر يتخفى وراء " قناع اللامبالاه "

بص يامحمد علشان نبئا صرحاء مع بعض
علشان انا شم بحب الف والدوران
هتقولى فى ايه هقولك
موضوع الاشراف الادارى والصلاحيات
لما دلخت واتنبح صوتى علشان المشرف الادارى ياخد وضعه وتزيد صلاحياته
وعملنا اجتماعات وقولنا وعدنا
والاستاذ اشرف اكتر من مرة وعد
وفى الاخر قال ان مينفعش لان كده اللوحة كاملة
انا يومها فعلا معجبنيش الكلام ده
وعبرت عن راى فى توقيع واتوقفت كالعادة ومزعلنيش انى اتوقفت او اترفع اشرافى لانى متعود على كده
بس انا استنيت حاجة وحده
اى مشرف ادارى يدخل يقول كلمة فى الموضوع يتكلم حتى على استحياء مفيش
وكان الامر لا يعنيهم تمام
طبعا افتكرت هنا موضوع التفويض وانتا اتكلمت واحنا وراك ومعاك وكل الكلام ده
ولقيت ساعة الجد محدش قال كلمة لا بالعكس ده انتا طلعتنى كمان غلطان
ما علينا انا يمكن اللى يعرفنى يقول ده شخصية عنيفة ورخمة ورزلة ومعندوش ذوق ما انا بقولك مش بحب اللف
بس يمكن لان الجميع او الغالبية واخد على الكلام المنمق من بعضه ده بجانب المجاملة
موضوع الزعامة بئا او القيادة ده مش عارف
بس انا فعلا شخصية قيادية فى وسط اصدقائى
وده من زمان جدااا كنت بحب اعمل كل حاجة لوحدى وكل ما كان الامر صعب كل ما زدت اصرار على تنفيذه
هى دى سمات الشخصية القيادية
تنكر يامحمد ان المشرف الادارى مكنش واخد وضعه فى المنتدى من جانب الاعضاء
تنكر ان كان كل يوم تحصل مشكلة
والمشرف الادارى يدخل يتجادل ويتناقش والناس تدخل تتريق وتستظرف وهو تايه فى الناس بينهم
انا بحب الهزار والردود با اسلوب ساخر مش جارح اسلوب بسيط يعتمد على امثلة او اقتباسات من الواقع
اوصل من خلالها المعلومة او فكرتى للشخص اللى قدامى
ايوه انا عصبى ويمكن دى صفة خلاص بقيت ملزمة ليا ومش هعرف اتخلص منها بسهولة
بس اوقات كتيرة بتجيب نتيجة اكتر من الهدوء الحق صوته عالى ديما حتى لو كان فى وسط الف صوت
وانا لسه بقول ان المشرف او الادارى او المدير لزم يكون ليه احترامه لانه قدوة بالنسبة للعضو
او المفروض يكون كده
يعنى تفرض احترامك على الغير لان الاحترام مش حق مكتسب ده انتا اللى بتفرضه على اللى قدامك
وكل واحد وطرقته واسلوبه اللى يقدر يفرضه بيها
شكرا على الموضوع
ملحوظة هو كان فى حجرة الاداريين قعدت ادور عليه شوية هناك بس تفكيرى هدانى انه اكيد هنا
شكرا مرة تانية