احم احم
اولا تحذير : اللى بيجيله احباط يا ريت موش يقرأ كلامى
بالنسبة للكيمسترى : نفسى بس اعرف منين يودى ع فين يعنى العملى مثلا موش عارفة عنه اى حاجة و مش عارفة احفظه و فيه امتحان جاى اهو و قلت لاسعد قاللى اكتبى اى حاجة...قلتله يعنى ايه...قاللى اى معادلات عندك هتكتبيها...قلتله هو احنا اصلا عندنا معادلات
...قام قايللى ايه دا مخدتوش معادلات؟ طب يبأى هتكتبى حاجات تانية من النظرى...اللى هى ايه اصلا؟ طب فيه عندنا كتاب يا عم الحاج المفروض عليه درجات...قام قاللى طنشى مش مهم
...بالاضافة الى المسائل االى هو مش بيحلها اللى هى فى الكتاب
...حاسة ان اللى يمشى وراه شور رايح فى داهية زى السنة اللى فاتت
بالنسبة للعملى هاتى الورق العملى بتاع تامر ده كويس قوى وزاكرى منه وماتمشيش ورا اسعد فى حكاية تكبير الدماغ دى كل اللى يقولك عليه ماتعميلهوش اعمليه وهو قال النهردة ان هو هيعمل سكيما وهيشرح العملى الاسبوع اللى جاى لو فى امتحان عملى وبعدين سهل ان شاء الله..........انما المسائل قال ان هو هيعمل حصة يحلها......
وعلى فكرة اه احنا عندنا معادلات بس ماتتدخليش تكتبى اى حاجة زى ما اسعد بيقول
نيجى للفيزكس...بصراحة احبطت من الحرارة و معدتش بحضرها بس حضرت لقيت الدوك لسة تايه و لسة بيدى اسئلة من غير اجابة و احلى حاجة انه قال فى المحاضرة (هنزل ورق اللى يذاكره كويس يبأى 100% ناجح)يا حلاوة...يعنى احنا داخلين الكلية دى عشان ننجح!!!!
لو هو عاوزنا ننجح بس انتى زاعلانه ليه هههههههه...ز زاكرى الورق بتعه وخلاص هو اكيد مايقصدش النجاح بس انتى عارفة يعنى ان هو تايه اى كلام ننجح يعنى نجيب تقدير ان شاء الله
البوتانى بأى طوييييييييل و كل ما احفظ حاجة انساها ...كل اسبوع براجع ع اللى فات و مفيش فايدة بالاضافة الى حتت ال dna اللى موش عارفة افهمها
و العملى بأى...سكشن البوتانى التانى كل ما حد يرسم راسمة...دوك باهر دا يديله محاضرة لحد ما حسسنى ان انا فعلا شايلة السنة
ده نفس احساسى بالنسبة للبوتانى وخصوصا السكشن الشؤم اللى كل مرة اروحه يحصل حاجة تخلينى احس انى ضايعة بس برده ان شاء الله ممكن يتزاكر ..... اما النظرى سهل ان شاء الله
كدا يبأى لسة الباراسيتولوجى اللى خدنا فيه 60 صفحة و بردو كل ما اقرأ اللى فات بحس انى زى ما اكون بقرأ الحاجة لاول مرة
عادى زيى بسعشان بتزاكرى اكترمن مادة مع بعض هو الدوك قال ان المهم life cycle تبقى بالباينات كاملةوبعدين الدوكتور بتاعت السكشن قالتلنا اننا محظوظين انه هو اللى بيدينا
غير ان انا موش عارفة اركز فى المصادر
يعنى مش ببأى مرتاحة نفسيا و انا بقرأ من ورق المكتبات دا
و فى نفس الوقت مش هلحق اخلص مذاكرة لو قريت من الكتب
و فيه كتب ميتقريش منها اصلا ...زى بتاع الحرارة دا
بصى ان بزاكر من ورق المكتبات بس لازم تحضرى وتحاولى تزاكرى معاه من الكتب بس هو بيسهل الموضوع على الأقل بتبقى حاسة ان انتى فاهم حاجة بس ماتعتمديش عليه بس
يعنى حاسة ان انا فعلا لسة تايهة ...دا مفيش مادة واحدة متزبتة عندى
ده احساس كل الناس على ما اعتقد وانا اولهم
انا اسفة بجد يا جماعة...بس محدش يعرف حالتى و ياريت محدش يكون قرأ الكلام دا اساسا
عادى يابنتى هو الموضوع ده معمول ليه مش عشانك
