[Sharp Nails]

المشاركة الأصلية كتبت بواسطة شريف الخضري

اممم
يعني مش علشان بتحبيها
هحبه منين يعنى انا كنت عرفته قبل كدة
انا اخدت فرنش والمانى
درست الفرنش 3 سنين فى اعدادى
والالمانى سنتين وانا فى ثانوى
لكن ايطالى دة عمرى ما قابلته
كل الى كنت اعرفه عنه
مكرونتو
طيب حبتيها ؟؟
نص نص
بس والله لذيذ
هحبه قريب
مين اكتر مدرس حبتيه في المنتدي ؟؟
ميس رانيا
ايه احساسك لما لاقي طفل في عز البرد في الشارع من غير اهل

يالهوى انا هعيط عليه
اكيد هخده معايا واحاول ادور على اهله
ولو معرفتش هخده معايا البيت
واخلى ماما وبابا يتصرفوا
ايه احساسك لما تلاقي ولد بيمد ايده علي بنت
قصدك يضربها يعنى ولا بيمد ايده ؟؟!!
طب هرد على الى اتنين
لو بيضربها
اكيد لو روحتله هضرب انا كمان
بس هخلى راجل يتصرف معاه

لكن لو بيمد ايده بقى التانية دية
فهى حصلت معايا مرة
كنت ماشية انا وصحابى
وكان قصدنا بنت نعرفها هى صغيرة فى اعدادى
وواحد معدى من جنبها ومعاه صحبته
راح حاطط ايده على ضهرها
روحت غصب عنى قولتله ياحيوان
بصلى قالى انا؟؟!!
شوفوا البراءة بقى
قوللته اه انت وانت عارف عملت اية
راحت الى معاه قالتله عملت اية المرادى
واتخنقت معاه
فجرينا بقى عشان كانت خناقة حارة
هتتكلمي في الموقف ده ؟؟

مين بتعتبريه هنا:الولد الى دخل واتكلم عليا فالمنتدى
مش هقعد اعيد وازيد فالحدوتة دية
اخوكي الكبير :كان اسلام بس حاليا مفيش
اخوكي الاوسط :سعيد
اخوكي الصغير :شريف
و مين اختك الكبيرة :هيام بنوتة مسلمة
الصغيرة :حنونة تيمون وبومبا
و الوسطي:اسماء وارق ملاك
هل تفضلين الصمت احيانا
اها ساعات بسكت عشان ملبخش
هل انتي شخصية مرحة
انت شايف اية؟!!
الى حد ما
لو انتي والدة الطفل اللي مات م وزيرة التعليم تعملي فيه ايه
بعد الشر طبعا ربنا ما يحكم عليا
لان انا ولادى دول بعشقهم من قبل ما يجوا
بس لو لقدر الله كنت مكانها
والله والله من غير هزار
كنت هروح اقتله والله
ومفيش حاجة هتشفى غليلى غير انه يموت
وبما ان الحكومة سبته وافرجت عنه
فانا بقى اخد حقى بايدى
دة قصاص
انا عن نفسي
ولا لما اسمع منك الاول
سمعت حاجة؟؟!!
اكيد لا لانى مش بتكلم
انا بكتب
مين مكنتيش طيقاه و بعدين حبيته من المنتدي
سويتى جيرل
ايمان
بجد لما كنت بشوفها فالمنتدى
كان بيبقى نفسى اشوطها
سورى ياايمى اعترفات بقى
بس بعد كدة حبتها موووووووووووووووووت
في رايك ايام الثانوي احلي و لا الكلية من حيث الصحبة بقا و كده
هى الثانوية احلى عشان كنا بنبقى فاضي ومش ورانا حاجةكنا بنروح المدرسة نقعد فالملعب نتفرج عالماتش الى شغال كانوا الولاد بيلعبوا كدة
او اقعد انا والشلة بقى نضحك
اما فالكلية فانا يادوب بقولهم صباح الخير
وبعد كدة نتكلم واحنا بنغير المدرج
واحنا مروحين كدة يعنى
مفيش وقت نرغى
بس ساعات بقى بريح من محاضرة مش مهمة
وننزل الكافتيريا نعمر الطاسة

لكن الحمد لله انا عندى اصحاب فالاتنبن
ايام المدرسة كنا شلة مكونة من اربع افراد
وفالكلية صاحبت السكشن كله

بس هما اتنين الى بقينا انتيم


ايه اكتر قسم بتدخليه في المنتدي
العام عشان بحب مواضيعه
نقاش بقى وراي عام وكدة
واجتماعات طالب
بشوف مشاكل البشر وبحاول اقدملهم حل

اقل قسم و ليه
اقتراحات
عشان بقى فاضى لكن قبل كة كنت ببات فيه
لمين تقولي ؟؟
انتي فين:صيدلانية حببتى مبقتش اشوفها
ليه كده:امة الرحمن
محتاج افضفضلك:قولنا مش بفضفض لو لو ضرورى
تبقى نور صحبتى
اتقي الله:الريس
بارك الله فيك :عمو عصام
كمل ربنا معاك:زيزو
مين نسك تشوفيه من الاعضاء
نفسى اشوفهم كلهم
شوفت حبة حلوين كدة
اسماءومنه وجيجو ومها(اسيل)
والى نفسى اشوفهم
حنان وعهود وهيام اية من الله
وكلهم بصراحة مش عاوزة اقول اسامى عشان اكيد هنسى حد وهيزعلوا
بس والله انا نفسى اشوف كل البنات
مين نفسك تشوفيه صدفه
اسماء
كان نفسك تدخلي سياسة و اقتصاد
يييييييييييييييييييييييع
لا طبعاااااااااااااااااااااااااااااااااا
بكرهها
عمرى ما فكرت فيها
ايه شعورك يوم نتيجة 2
كنت هطق مالفرحة كنت جاية 98%
وبجد كنت طيرة
كان احساس فمنتهى الروعة

و نتيجة 3
كنت هطق مالزعل
حصل لعب جامد فالتصحيح
وطارت منى 8 درجات
بس الحمد لله فى داهية
وكل ما افتكر انى نكدت على نفسى يومها
ابقى عاوزة اضرب نفسى

ادينى فالاخر دخلت الكلية الى كان نفسى فيها


جبتي النتيجة منين ؟؟؟ يعني من عندك من النت بتاعكوا

اه من عندى فالبيت
بس مش انا الى جبتهم برضه
بتاعت تانية صحبتى الانتيم نور سبقتنى وجابتها
واتصلت بيا قالتى واول ما قالتى المجموع الصفحة حملت والنتيجة طلعتلى

وفى تالتة اسماء جابتهالى سبقتنى برضه
مفيش فايدة
مش ادونى فرصتى فالنتيجة