[Sharp Nails]

المشاركة الأصلية كتبت بواسطة بنت الاسلام*

من
نسمة عندنا
يامرحبا يامرحبا
ياسلام عالترحيب
رحبى بزمة يابنتى
خدي شوية الاسئلة دول
معيش حاجة اخد فيها

1-ايه حلمك اللي حلمتي بيه ولسا مش اتحقق?
انى اكون اسرة سعيدة واسرة متربطة
اسرة بمعنى الكلمة
ولسة متحققش عشان انا لسة صغيرة

2-وحلمك اللي حلمتي بيه واتحقق?
حلمت انى ادخل السن
والحمد لله دخلتها
وكمان حلمت بقسم الانجلش والحمد لله
دخلته

3- والحلم اللي حلمتي بيه وفشلتي في تحقيقه?
فشلت؟؟؟؟؟؟؟
انا عمرى ما فشلت حتى لو فشلت بعتبره نجاح
اى فشل فى حياتى نجاح
قوليلى ازاى العك دة
اقولك انى لما افشل بتعلم
ولما الحياة تعلمك درس مش بتنسيه عمرك
انا عمرى ما فشلت !!
فهمانى

4-ايه احسن حاجة بتعمليها في يومك يعني مش بتحسي بالوقت وانتي بتعمليها؟
المزاكرة
عشان بحب النجاح
مش الفشل يافاشلة انتى

5-مين اقربلك طنط ولا عمو ??
والله طنط صحبتى
اما عمو بقى صحبى

فى فرق صح!!
والله الاتنين واحد عندى
بس مش بحكى لحد منهم حاجة تخصنى
ممكن ماما لو عندى مشكلة اقولها تساعدنى احلها

6-عندك كام اخت واخ وسنهم والكلام ده؟ ومين اقرب واحد ليكي فيهم؟؟
عندى 3
اخت كبيرة متجوزة عندها تقريبا 21
هى لما كانت عندنا فالبيت كانت 20
اكيد دلوقتى بقى 21
مش كدة

والتانية
بنت برضه
فى 4 طب
بس متجوزة الطب
مش بنتقابل غير فالاجازات
والله وحشتنى

وبعدين انا
غنية عن التعريف طبعا

وبعدين اخ
فى 2 اعدادى
بس خلاص خلصنا

اقرب واحدة ليا بقى
اختى الكبيرة
بس خلاص للاسف مشيت وسبتنى لوحدى
هى اختى التانية قريبة برضه
بس زي ما بقولك مش بشوفها كتير
يعنى انا بخرج الصبح بدرى وهى نايمة
وارجع متاخر تكون هى يااما مجتش
او لسة راجعة ونامت
على ما تصحى اكون انا نمت
والحبة الى بنشوف بعض فيها
بتبقى سلمات بقى واشوااق وكدة
اما اخويا بقى بشوفه عشان نتخانق
او برضه مش بشوفه
طول النهار فالشوارع
مش عارفة لما يكبر شوية كمان
هيعمل فينا اية

7-مين اللي بتقوليله كل اسرارك في حياتك العادية وفي المنتدى؟؟
ما قولت ياجماعة انا بير غويط اوى
انا الى بدفن اسرارى جوايا
حتى الى يعرفوا عنى حاجة
يعرفوا القشور

8-ليه اخترتي اسمك الاول(ملك اليمين) عشان تسجلي بيه في المنتدى؟؟وليه غيرتيه؟؟
اخترته عشان كدة
وغيرته عشان كدة

بصى فالاول شوفت الاسم دة فكتاب
اانا مققصدتش معناه بالظبط
لكن الكلمة بتحمل صفة جوايا
انا ملك ايد اي حد احبه بجد
طاعة يعنى زي ما تقولى

وغيرته عشان طقت فى دماغى كدة
اقوم الصبح اغيره
قولت ماشى يادماغى
لكى ما تأمرى
وغيرته وهغيره تانى
عشان مش مستريحة نفسيا للاسم دة
هخليه if only
متسألنيش لية
طقت كدة فى دماغى

9-تقولي الكلام ده لمين في المنتدى

-المنتدى ملوش طعم من غيرك:اسماء(طمعانة)

-بحب اقرا مواضيعك:احمد رضا
بس بمل او بنام اصلها بتبقى طويلة اوى

-رأيك فيا يهمني جدا:كلهم

-عاوزة اعرفك اكتر:طفلة الامس

10- اتظلمتي من حد ظلم جامد قبل كدة ولسة مش مسمحاه لغية دلوقت؟؟وممكن تحكيلنا الموقف لو مش هيدايقك
ماخلاص بعد ما فكرتينى بيه جاية تقوليلى لو مش هيديقك

اقولك ياستى
هو شخص واحد بس الى مش مسمحاه عمرى كله
قولت قبل كدة على فكرة
ماعلينا
واحد دخل المنتدى هنا
وقال عليا كلام
طبعا الحمد لله كلامه مأثرش مع حد
ولا حد صدقه وكل الناس وقفت جنبى
بس اثر عليا انا نفسيا
وكنت هخصر حياتى بسببه
لانى بعدها
تعبتت جدااا
كان ممكن اروح فيها يعنى
الله يسمحه بقى ..بس انا مش مسمحاه

11- ظلمتي حد قبل كده ومش راضي يسامحك؟؟وبردو احكيلنا الموقف
والله عمرى ما ظلمت حد بقصد
لكن ممكن مثلا تصرف غصب عنى
بعمله بمنتهى العفوية يضايق الى قصادى
بس طبعا بسرعة بتأسف
وبحاول اصالح الى ضايتقته

بس كده خلصت ناو
بس ليا عودة سعريعة

ادعي انها مش تكون النهاردة

شكرا ياايمى عالاسئلة
نورتينى ياجميل