بالنسبة لقسمي الفيزياء الحيوية و علوم الفضاء ما اقصدش انهم تخصص منص سنة اولى عندنا لا هم عندنا زيكوا في تالتة و رابعة.
انا اقصد ان دي اول سنة يكون القسمين دول موجودين في كلية العلوم جامعة اسكندرية.
بالنسبة لرسالة الكيمياء النووية اوكيه ماشي ليها شغل و مستقبل و اللي يتخصص في المجال ده هيبقاله مركز كويس اوي.
بس اعلان قسم الكيمياء عن الدبلومات مذكروش فيه الكيمياء النووية .. لازم تكون مذكورة ولا انا اعمل اللي انا عايزه .. بس اعتقد لازم اعمل دبلومة في تخصص من اللي الجامعة بتعرضها .. عموما اكيد على ما اتخرج هيضيفوا دبلومة او رسالة الكيمياء النووية.
و حتى لو محطوهاش ابقى اعملها في اي جامعة تانية .. ممكن عندكوا.
بالنسبة لموضوع الشعب العامة اللي هو اكتر حاجة قلقاني اليومين دول.
انا عرف ان الشعب الخاصة بالتقدير .
بس اقصد ان اللي مقدرس يدخل درجة خاصة بيبقى في حاجة بديلة يعني لو مدخلش كيميا سبيشيال يدخل كيمياء/فيزيا
و هو دي اللي خايف يكونوا شالوها عشان لو لاقدر الله معرفناش ندخل كيمياء سبيشيال نبقى في نفس مجال الكيمياء و اسمنا برضه كيميائيين .. و اعتقد الناس اللي اكبر مننا في الكلية او الخريجين ميقدروش يفيدونا في الموضوع ده لأن ده نظام جديد اول سنة يطبقوه.
فمش عارف اتأكد من الحكاية دي من مين .. اروح لشئون الطلبة و لا لدكتور كيمياء ولا رئيس قسم الكيمياء ولا اروح للعميد؟
انا هحاول اعرف حكاية الموضوع ده و يا ريت كمان تسألي في كليتك.
شكرا.
السلام عليكم
|