[بندق__2007]

المشاركة الأصلية كتبت بواسطة baskoota

السلام عليكم ورحمة الله
و عليكم السلام و رحمة الله و بركاته
من المواضيع اللي انا بحبها جداااا هي مواضيع أسئلة التعارف
لانها بتعرفنا على بعض اكتر
فعلا ....... كلامك صح
وطبعا لان حبيبة قلبي أرق ملاك عملت موضوع اسئلة وكان جامد جدا
ولانها بتحب المواضيع دي
قلت اجيب كدا حبة اسئلة من دماغي ويا رب تعجبكم
يمكن بعضها مكررر بس اللي جه على بالي بقى

1-إتخانقت قبل كدا خناقة كبيرة؟؟

اه

2-طيب مع مين؟؟

مع ناس بلطجية فى اسماعيلية

3-وايه سببها؟؟

سببها تقدرى تقولى انهم بلطجوا عليا فرديت عليهم بنفس لغتهم

4-مزعل حد منك دلوقتي ونفسك تقوله حاجة؟

اه و لا .... ازاى ؟؟ فيه ناس زعلانة منى بس انا عاوز اقولهم
انا معملتش حاجة تزعلكم منى و لو بتحبونى بجد تعاتبونى

5-ايه هي الحاجة دي؟

اقولهم دورا كدة على حاجة وحشة عملتها فى حقكم و عاتبونى عليها

6-طب انت زعلان من حد معين؟

اه

7-قلت قبل كدا كلمة آسف؟

ايوة

8-بتعتبر نفسك محبوب؟؟

يعنى مش اوى

9-قول كلمة واحدة لكل من:

والدك شكرا
مامتك رضاكى
صديقك الانتيم متسبنيش
حد مخنوق منه مفيش

10-طيب الحاجات دي بتفكرك بإيه؟ :
الشمس المستقبل
المنتدى الطيبة اللى انقرضت
الفول الشعب المصرى
العربية الماتريكس الهاينداى ؟؟ ابدا ما بتفكرنيش بحاجة
الكونو بمرسى مطروح
الشتاء الأمان
المدرسة من أحلى أيام عمرى

هي حاجات ملهاش علاقة ببعضها بس اللي افتكرته بقى

11-ايه مقاييس البنت المحترمة بالنسبة ليك\او الشاب المحترم بالنسبة ليكي؟

بنت عاقلة متدينة محترمة رقيقة رومانسية قرارتها من دماغها
تربى ولادى صح و تعيش معايا على الحلوة و المرة

12-ايه هي اكتر مكالمة تليفون عمرك ما هتنساها؟

مكالمة يوم 26 / 7 اللى فات

13-إيه اخبار معلوماتك الدينية؟؟

الحمد لله تمام


14- طب تعرف مين هو الشهيد الطائر؟؟

اعتقد انه جعفر بن أبى طالب

15-تفتكر الطبيب النفسي ليه لازمة في البلد؟

البلد ملهاش لزمة من غيره

16-زهقت من الاسئلة؟

لا طبعا

17-بالنسبالك النت بيشكل كام في المية من حياتك؟؟

35 % من حياتى

18-تقدر تعيش كام يوم من غير النت؟؟

يومين بالكتير

19-ايه رأيك في هوجة المسلسلات التركية؟؟

و لا تركية و لا مصرية و لا بشوف مسلسلات أصلا

20-الحلم اللي حلمته ومش ممكن تنساه؟؟

حلم النهاية لأحد علاقاتى قبل ما العلاقة تنتهى ب3شهور

21-نفسك في ايه على مدى ال10 سنين القادمين ان شاء الله؟؟

انى اكون شئ يفتخر بيه أبى و أمى و يكون عندى غادة أحمد (بنتى )

22-لو مصر دخلت حرب ايه هيكون موقفك؟؟
هتدافع عنها ولا هتقول يا رب نفسي؟

لا هدافع عنها طبعا

23-طولت عليك صح؟

مين اللى قالك ؟

24-إيه رأيك في الشات؟؟

زى التليفزيون و الموبايل و اى حاجة حسب الاستخدام
ممكن تكون مفيدة أو ضارة

25-ايه اسوأ موقف وأحسن موقف حصلوا قبل كدا ليك في المنتدى؟؟

أسوء موقف كان مع عبقرينو و لا داعى لذكره
و أحسن موقف لما اتعرفت على شخصيات هنا
أمثال السادات و أحمد رضا و كركركوكو و الباقى (هما عارفين نفسهم )

26-تعتقد انك في يوم من الايام هيكون اسمك ليه رنين وشمة ورنة كدا؟؟

أتمنى ذلك

27-لو بقيت صحفي تحب تحرر اي قسم في الجريدة؟؟

قسم المقالات الحرة

28-بتقراأ جرايد اصلاً؟

طبعا

29 -ايه اكتر قناة بتحب تتابعها؟؟

مش متابع أوى للتليفزيون فقط الماتشات و للاهلى بالذات

30 -تعبت مش كدا؟؟

و النبى ابدا

طيب كفايه كدا ونكمل بعدين ان شاء الله
يلا مستنية اجاباتكم الجاااااااامدة

ميرسى يا بسكوتة على الاسئلة الجميلة دى
و انا بجد مبسوط انى كنت واحد من اللى جاوبوا عليها