اقتباس:
المشاركة الأصلية كتبت بواسطة gooooa
والله العظيم انت محترم سيدى الفاضل
سيدى الفاضل انا اعمل مدرس رياضيات ثانوى بمدارس تجريبية لغات
بس احب اقدم نصيحة بسيطة وسهله جدا للزملاء عموما رياضيات واى مادة
وهى الاهتمام بدراسه والتمكن من المادة العلميه على الاقل فى نطاق الدراسة الثانوية
يعنى مش مدرس اعدادى يقول انا بدرس اعدادى وميعرفش منهج ثانوى
دى تبقى كبيرة فى حقه
وبكدا ممكن طالب شاطر فى الثانوية مثلا يبقى اشطر منه
وهذا ما يحدث بالفعل
بعض الزملاء مفكر انه لما يشتغل دروس ويبقى مشهور يبقى سوبر بقا وخلاص
ببساطة وعفوا 80% من مدرين الاعدادى لو اديته مساله او سؤال فى ثانوى ميعرفش
ويتحجج بانه مش بيدرسه
يا سيدى آفة العلم النسيان صح
بس دا شغلك المفروض تكون ماهر فيه
يعنى مثلا والله العظيم اساله الكادر للرياضيات لو تلميذ شاطر باعدادى مش بثانوى يحلها
واخيرا ارجوا قبول اعتذارى لو اخطات
انا طبعا لا اقصد التجريح باحد او الاستعراض على الزملاء
انا عاوز اقول ان الموضوع بسيط جدا واحنا كبرناه وادناله اكبر كتير من حقه
انا شخصيا كنت عامله مليون حساب
مش الف زى ما بيقولو
وكنت بذاكر من اول ما عرفت انه فيه امتحان
وفى الاخر لقيت الموضوع بسيط حتى فى اى مادة تربوى او عربى
وانا مش عارف هنجح ولا لا دا حاجة بتاع ربنا - قطعا لو العمليه مشيت طبيعى بدون سياسة يبقى هنجح بجدارة
انما لو فيها لعب وحسابات الله اعلم بيها
تمنياتى للجميع بالتوفيق وجزاكم الله خير الجزاء
توقيع
والنفس راغبة إذا رغبتها **** وإذا ترد إلى قليل تقنع
والنفس كالطفل إذا أهملته شب على حب الرضاع*********** وان تفطمه ينفطم
|
اشكرك اخي الكريم علي مداخلتك الجميله وان كانت اثارت في نفسي شجون من نواحي شتي
فقد لمست الجرح كابرع طبيب وتحدثت بانسيابيه مطلقه عن اهم اوجاع التعليم في مصر الا وهو التقوقع وعدم الرغبه في التطوير
وانا اؤيدك في كلامك بشكل كبير وما يدفعني للعمل في القسم حتي وانا اختلس لحظات الراحه بعد عودني من عملي هو احساسي اثناء اختبار الكادر اننا جميعا تلقينا صفعه تمثلت في اتهام الغوغاء باننا لانصلح للتدريس وبان معلمي مصر اغلبهم من حمله الدبلوم ومعظمهم فاشلين في مادتهم حتي وان كانوا ناجحين في الدروس ورايت شماته من اولياء امور ومن صحفيين وسخريه من اشباه المتعلمين وعلي من ؟ علي من علموهم ان يكتبوا الف باء وعلي من ربوا اولادهم علي الفضيله وعلي ورثه الانبياء
وكان التعميم في الحكم هو الكارثه الكبري...واصبحنا جميعا علي ظهر قارب واحد ..اما ان نكون او لا نكون ولذا فقد اليت علي نفسي بان ارد لهم الصاع صاعين وان كل قزم كتب حرفا واهان معلما عليه ان يتحمل تبعات نفسه المريضه ولذا فانا وكل معلم غيور علي مهنته نعمل لوجه الله ونسعي لبدايه جديده نتحد فيها سويا ونعاهد الله ان نكون علي قلب رجل واحد وان نتحاور سويا حتي يستفيد كل منا من الاخر وان نجدد من ثقافتنا المهنيه ففي هذا الخير كله ان شاء الله
واقر واعترف سيدي الفاضل ان هناك معلمين ليسوا بالمستوي المهني المطلوب وما نفعله الان هو الرقي بمستواهم الوظيفي والمهني حتي تكتمل المنظومه ونصحح ونتدارك اخطائنا
اشكرك سيدي الفاضل علي مداخلتك واتمني من حضرتك المزيد من الموضوعات التي تثري زملائك مدرسي الرياضيات