بتعدى الايام
بتعدى الايام بسلام............. وبشتقلك يا كل الاحلام
بشتقلك وروحى فيك
لو أشوفك مره فى منام............. قلبى يقولى بجد حرام
ده حبيبك ما يهنش عليك
بتعدى الايام بتعدى............. وبتكتر ليالى بعدى
وبرسم بالنجوم عنيك
أخبارك يا غرامى فى بعدى............. وقلبك أخباره من بعدى
وطيفى لسه حواليك
عمله ايه فيك اليالى............. يا حبيبى يا كل غالى
مشتاق أنا للياليك
على طول ديما فبالى............. نجمه جوايا بتلالى
مشتاق لحضن أيديك
بتعدى الايام وراجع............. تنسينى كل المواجع
وبالهمس قلبى يناديك
قلبك يقوله سامع............. ولكل أحلامك جامع
وبالحب بنادى عليك
وطول ما عمرى فيه ايام............. بحبك يا أغلى الايام
بحبك وكلى ليك
وفى أخر الجواب سلام .............وبقولك قبل الختام
مشتاق انا لعينك