انا عندى سؤال جميل اوى
فى الباب الثامن
ولأن فكرته جديده وعايزه شغل شويه
اعتقد احتمال كبير يجى زيها
يللا قولوا يارب
المهم
السؤال:
اجريت عملية طلاء لشريحه من النحاس مساحتها 100 سم2 بامرار كميه من الكهرباء مقدارها 0.5 فاراداى فى محلول مائى من كلوريد الذهب الثلاثى . (
الطلاء لوجه واحد فقط 100 سم2)
أ) احسب سمك طبقة الذهب المترسبه علما بان الكتله الذريه للذهب 196.98 وكثافته 13.2 جرام / سم3
ب) اكتب التفاعلات التى تحدث عند الاقطاب
الاجابــــــــــــــــــــه:
اولا نكتب التفاعل الحادث عند الكاثود حيث يكتسب ايون الذهب(+3) 3 الكترونات فيحول الى ذهب Au
الكتله المكافئه للذهب= 196.98÷3= 65.66
كتلة الذهب المترسب=(كمية التيار بالكولوم × الكتله المكافئه) ÷ 96500
= (0.5فاراداى × 65.66)÷ فاراداى
=32.83 جرام
ولحد هنا المساله ماشيه عادى اوى وهو فى المساله طالب السمك واحنا طبعا مش عندنا القانون ده
لكن اللى واخدين فيزياء فى تالته ثانوى يحلوا المساله بسهوله اوى
السمك = الحجم ÷ مساحة السطح
احفظوه زى ماهو
المهم الحجم عندى مجهول
يجى من العلاقه :
الحجم = الكتله ÷ الكثافه
الحجم(طبقة الذهب)=32.83 ÷ 13.2= 2.487سم2
يبقى السمك = 2.487÷100= 0.0248سم
ومحدش يقوللى ال 100 دى جت منين
اقراوا نص المساله بتركيز علشان تحلوا صح
