آآآه.. أنا كان جايلي علوم المنصورة و لقيت نظام التخصصات مخلتف .. مش كل الجامعات زي بعض
بعد كده حولت اسكندرية .. عندنا بقى بتختار بين علوم طبيعية او جيولوجية و في سنة تالتة تتخصص و في كيميا و كل حاجة بس على حسب تقديرك.
لكن مثلا جامعة المنصورة و عين شمس و ممكن الزقازيق و جامعات تانية بيختار الطالب تخصصه من اول سنة يعني مفيش علوم طبيعية او جيولوجية لا يعني يختار بقى فيزياء جيوفيزياء حاسب رياضة الخ. من اول سنة و بالتالي لا تعتمد على التقدير.
و لأنها لا تعتمد على التقدير ولأن اقسام الكيمياء هي الاكثر قابلية لدى الطلبة فلما بيكون الاختيار مش على اساس التقدير فأعتقد ان هو ده السبب لالغاء الكيمياء من كليات العلوم اللي بتشتغل بنظام اختيار التخصص من اول سنة.عشان العدد ميبقاش كله في قسم واحد اللي كل الطلبة عايزينه و انا فعلا الحكاية دي كانت مضايقاني بس انا حولت.
دلوقتي انت لو جامعتك زي المنصورة و عين شمس يبقى ليك رياضة و فيزياء و احصاءوعلوم حاسب و فيزياء حيوية و جيوفيزياء.
لو عندك كده فعلا انصك اما بجيوفيزياء او (احصاء و علوم حاسب لو كنت مش بتكره الرياضة).
بس على فكرة النظام ده ليه عيوب بس ليه مزايا يعني عندنا مش بياخدوا في الجيوفيزياء الا عدد طلبة معين فالبتالي ممكن مش كل اللي جايبين امتياز حتى ياخدوهم لكن عندك هتدخل القسم من غير تقدير و تقعد فيه و ضمنته.
بس اكيد ليه عيوب و اهمها ان قسم مهم زي الكيمياء مش موجود.
|