[مشتاقة لرضا الله]

المشاركة الأصلية كتبت بواسطة احمد رضا

رأيك مقبول بس بالراحه طيب انا حاسس انك هتطلعي من الرد وتضربيني بالبوكس في عيني الشمال

بالنسبه للتعبانين في الدنيا
فخليني اجبهالك من الناحيه التانيه
انتي شايفه ان المجانين تعبانين في الحياة ؟
الجاهل تعبان في حياته ؟
لا طبعا
ده كانوا حتي بيقولوا المجانين في نعيم
وكانوا بيقولوا بردو
كلما زادت معرفتك زاد بؤسك
حتي تلاقي معظم العلماء أكتر ناس عانوا في حياتهم
هاتيلي انتي بقي دليل ان العاقل مرتاح ؟

---

بالنسبه للدنيا
فده تشبيه احتفظ بيه لنفسي
لانها حاجة برسونالتي
بس تقدري تقوليلي تشبيهك ايه ؟
غير تشبيه " دار ببابين "
---

انا اسفه لو اسلوبى بايخ شويه معلش
بس اصل دى اكتر مقوله نرفزتنى
لان العاقل بجد هو الوحيد اللى هيبقى مرتاح فى الدنيا
المجنون اصلا عايش كانه ميت ومش يعتبر انسان اصلا لانه محروم من نعمة العقل
اما الجاهل فده اللى بجد بقى تعبان
مش معنى الجاهل انه مش عارف ايه اللى بيحصل حواليه
وحتى لو كان مش عارف اللى بيحصل حواليه برضه هيبقى تعبان لانه مش عارف
اما العاقل بقى فده الوحيد اللى مش هيهمه اللى بيحصل فى الدنيا
مش هيهمه اللى فى ايد غيره فهيرتاح
مش هيهمه غيره بيعمل ايه فهيرتاح
وهيبقى عارف ان كل شئ بيحصل فى الدنيا حواليه بيحصل لحكمه معينه ربنا ارادها
ان مره قريت لمصطفى محمود كتاب كان بيقول فيه ان كل نقطة دم تراق على اى حته فى الارض انما لحكمة لا يعلمها الا الله وربنا اتاح لنا فرصة التفكير بالعقل اللى ادهولنا
وربنا قال وتفكروا يا اولوا الالباب مش معنى كده بقى ان التفكير متعب وهيجيب لنا المرض ووجع الدماغ
ربنا ادانا العقل عشان نفكر بيه
اللى هيفكر صح هيريح نفسه واللى هيفكر غلط هو اللى هيتعب

اما بقى بالنسبة لمفهوم الدنيا
فليه حضرتك توقعت انى هقول انها دار ببابين ؟ اشمعنى يعنى؟
ع العموم انا مش لاقيلها تعريف شامل ليها
انما التعريف اللى حضرتك ذكرته ده بيتهيالى انه قاصر على وجه معين من وجوه الحياه الكتير
وانا نفسى بجد الاقى تعريف يوصف الدنيا صح
واسفه جدااااااااا على التطويل
واسفه لو كان اسلوبى فى الكلام بايخ معلش بجد انا بتكلم كده دايما فمش عارفه اغير