النهارده كان يوم زى العسل
بجد انا مش عارف اعمل ايه من كتر السعاده الى انا فيها
النهارده كان ورايا المحاضره بتاعه الاداره الى انا شايلها من سنه اولى
ياسلاااااااااااام على الى حصل النهارده
اولا الدكتور هشام البحيرى فى المحاضره الى فاتت معجبوش المنظر فقال الفصل التانى كله مقرر عليكو
وقال انو هايجى المره الى جايه يشرح فىالفصل التالت طبعا الشباب الهايف قعدو يسقفو ويزيطو
بس فى اليوم دا شويه شباب طلعو يجرو علشان يلحقو الدكتور علشان يخليه يرجع ويشرح الفصل
بس الدكتور طبعا مش هايرجع .. وركب العربيه شويه الشباب الله يسامحهم قعدو يخبطو على العربيه وهى ماشيه
جه بقى الدكتور النهارده..........
خير اللهم اجعله خير
الدكتور داخل ووشو مضايق اوووووووووى وكان شايل اوى مننا
المهم مره واحده الدكتور قام منفجر فينا :abdoog8:
اول حاجه قالنا انو مش هايشرح الفصل التانى (بيفقد الامل فينا انو الفصل يتشرح) غير كمان انو قال هايجى منه الامتحان
شوفو بقى التقيل كمان ... قالنا الشاطر فيكو هو الى هاينجح يعنى يجيب 8 درجات ويخش رأفه او 10 (ياحلاوه ياولااااد)
قعد يقول كلا تانى كتير بس مش فاكر المهم هم احبطنا اوى
بس ادانا امل اخييييييييير بس شكله ضعيف
واحد بعتله ورقه وقاله لو انتظمنا بقيت السنه وبقينا كويسين ممكن يجيب الامتحان سهل؟
قال اه لو فضلتو كويسين سعاتها ممكن اغير رأيى ( يارب يغير رايه ... قولو امين )
بس طبعا لما بدأ الشرح كان متنرفز وكان بيشرح من غير مزاج
المهم كمان شويه كده راق وبدأ يهزر معانا ودا يمكن الى مطمنى شويه من ناحيه انو يغير رأيه
شوفتو بقى كان يوم زى العسل والى فى اولى ز هايعرفو يعنى ايه زى العسل
