استفسار بأدب لعبقرينو
بسم الله الرحمن الرحيم
انتا موقوف حتى يوم 19/10/2008
الرسالة دى وصلتنى لما حاولت ادخل المنتدى امبارح وكان سبب الايقاف
اسباب ادارية
سبب الايقاف بعد البحث والتدقيق اتضح انى اهانت شخص حضرتكم
من خلال توقيع
حضرتك فى لقاء سابق فى حجرة المشرفين
فجرت مفاجأة وقولت
صبرا وهتشبعه صلاحيات
عملنه اجتماع للسادة الاداريين وعرضنه فيه اللى احنا عايزينه
الاستاذ حسام (فارس النت) وعد بان مطالبنا هتحقق والصلاحيات هتخدها
بعد المداولات الموسعة خرج علينا الاستاذ حسام بالاتى
لا يوجد
مفيش
ومينفعش
مفيش صلاحيات ومينفعش تخده صلاحيات وكفاية عليكم كده
اصبح كلام الليل مدهون بزبدة والحمد لله الشمس طلعت وساح
طبعا نتيجة للكلام ده والوعود دى كان لزم يكون فيه توقيع مناسب
اللى حضرتك حذفته وقولت ان فيه اهانة للمدير
مع ان مزكرتش غير واقع
طبعا هى لا تفرق مدير ولا غفير وانتا عارف ده كويس 
حضرتك جيت سحبت الاشراف ودى خطوة انا بهنيك عليها لان الواحد والله
اعصابه فعلا كانت تعبت من كتر المشاكل
بس الحمد لله حضرتك رحمتنا من الهم ده
نرجع بئا للمشكلة الاساسية وهى
طريقة حضرتك فى التعامل وهى الايقاف المبالغ فيه
ده لو لاعب ضرب لاعب فى الملعب
الفيفا بيوقفه ماتشين 
توقفنى انتا اسبوع
وكمان طريقة سحب الاشراف من غير حتى كلمة شكر يارجل عيب عليك
ده حتى الاستاذ محمود القالع اللى اده المنتدى اكتر من 3 سنين سحبت منه الاشراف
بنفس الطريقة وبنفس الاسلوب الرخم
هعيد صياغة السوال مرة تانية
هو التوقيع المخالف
العضو بيتوقف على طول
ولا القانون اللى حضرتك حطه ووفقت عليه
بيقول انذار وتحذير ثم اغلاق التوقيع
ولا هو ايه النظام
اصل شامم ريحة مش تمام وراء الايقاف
ياريت الموضوع مش يتنقل
علشان اعرف بس ايه رد حضرتك عليه
ودمتم
ملحوظة اخيرة
انتا مكنتش تعرف مدى حبى للمنتدى ده
واللى كان ممكن اعمله دفاعا عنه
مبروك حولت الطاقة الايجابية دى لطاقة سلبية
بجد المنتدى من اليوم وبعد الاهانة دى اصبح
زيه زى اى حاجة والسلام (جزء من هامش فى حياتى )
آخر تعديل بواسطة _GUIDE_ ، 14-10-2008 الساعة 05:45 PM
|