[طمطومة]

السلام عليكم ورحمة الله وبركاته

بداية كويسة المواصلات الحمدلله لاقتها على طول....
بس كنت نازلة بدرى شوية كنت هنتقابل انا وصاحبتى قبل المحاضرات وروحت الجامعة دخلت من باب تجارة كان هيجيلى شلل من المنظر اول مرة اشوف كمية بشر كدا ناس كتير جدا
المهم استنين صاحبتى طلعنا المحضارة قالولنا من الباب الخلفى روحنا طلع لا من الباب الامامى مش مشكلة رجعنا
المهم دخلنا المحاضرة برضه اول مرة اشوف العدد ده مش عارفة الناس زادت كدا ليه
كنت هاقعد ورا لاقينا صاحبتنا حاجزلنا قعدنا دخل دكتور الحاسب الدكتور كويس بس الناس هتشله عاوزين كل كلمة تترجم وكل كلمة يكتبها لما الراجل قرف
وخلصت المحاضرة وقعدنا شوية جه دكتور التسويق مافهمتش منه شئ مع انه شكله فى اول محاضرة اللى كانت تعارف يديك انه احمد زويل
خلص دخل بقى المفاجاة دكتور النقود هو محسس نفسه انه مذيع ويقعد يتكلم لغة عربية ويكتب ابيات شعر اهو تضييع وقت وبعد كدا انتهى اليوم وروحت وكانت الدنيا ليل والمواصلات كانت رخمة