[white horse]

المشاركة الأصلية كتبت بواسطة sweet_nono

بصى انا برضه زيك كده وبعدين حاسة ان الناس مستعجلة اوى وكل واحد بيسمع حاجة بيروح يعملها فانتى شوفى انتى محتاجة كورسات ولا لأ؟ هاتزكرى من الكتب ولا المذكرات؟ لما انتى تحددى لنفسك احسن بس هو عموما اعتقد ان اعدادى كلهم هايخدو كورسات فى الكيميا.. انا عن نفسيتى بدور على مدرس كيميا. الناس كلها بتاخد عند اسعد واعتقد ان هو بدأ خلاص فشوفى انتى محتاجة ايه واعمليه ولو احتجتى تاخدى فى كله مش مشكلة بس حاولى تعتمدى على المحاضرات اكتر من الكورسات..

هو انا اصلا كنت رافضة الفكرة
بس لقيت كله صمم على الكيميا دى
و لسة من شوية واخدة قرار ان انا هاخد فيها عشان ابقى مطمنة بس مش اكتر
و لانها اكبر و اهم مادة الترم دا
انما الباقى مش مستاهل
و خليكى مع اسعد
هو ابتدا حصة واحدة بس الاتنين اللى فات
و اداهم 6 ورقات هتلاقيهم فى مكتبة دوكتورز
و انا مش رحت الحصة اللى فاتت لظروف كدا
و ان شاء الله الحصة الجاية يوم الاتنين و هاروحها
بس ع فكرة
اللى بياخد كورسات مش بيحضر محاضرات اصلا
لان طبيعى مش هيبأى عنده وقت
و لان اللى بيدو الكورسات بيبقو مسجلين المحاضرات كلها
بس انا مش شايفة ان فيها استعجال ولا حاجة
احنا لسة تايهين و مفيش وقت للتوهان
دخللنا واحد النهاردة اعد يقول انا بضرب الجرس و فات شهر و فاضل اسابيع و حاجات عجيبة كدا
ربنا يوفقكم كلكم
انا داخلة انام بأى عشان عندى بكرا من 8 ل 6
____________
و ما زلت فى انتظار محاضرات النبات
خاصة العملى المورفولوجى
لانه المفروض يبأى متذاكر كويس و الا مش هنفهم حاجة من السكشن
زى ما حصل مع ناس النهاردة