الكلام كله لاشرف السيد
انتم نسيتوا ان المدرسين على الموقع هنا بتعمل بدون مقابل و لا ايه
ولما بيطلب من مدرس انه يشرف على قسم دة بيكون عمل تطوعى منه ليس اكثر
أنا خايف ان يكون حد من الادارة فاكر ان اى صفة بياخدها مدرس على الموقع من اول صفة مدرس الى مشرف قسم الى موجه عام الى مشرف قسم تعليمى بتزوده حاجه
دة بالعكس
دة بياخد من وقته ومجهوده وصحته ورعايته لبيته
مش علشان عيون حد
ولا فى كل ترقيه مرتبه بيزيد ولا حاجه
ولكن علشان يعمل خير ومش مستنى ان الادارة تعطى له حاجه
وافتكر ان الاستاذ عصام عرض على فكرة انه يكون فى مقابل للمدرسين وكان ردى عليه ان الفلوس دى اولى بيها نقدم بيها خدمات للطلبه
خلاصة الكلام للادارة
انتم بتتعاملوا مع مدرسين مش ناس جايه من الشارع ولا شغالين عندكم بفلوس
كلنا شغالين لله
يعنى لما يكون فيه موضوع خاص بالمدرسين ولا مشرفى الاقسام التعليمى
مش الاقى موضوع معمول بينتقد فيه شغلهم على الموقع
والله حاجة غريبة
هو انت فاكر نفسك يا اشرف رئيس الوزراء واحنا شغالين فى حكومتك
شوفت حاجه غلط ولا مخالفه
عندك حل من حلين
يا تصلحها انت بنفسك ما دام شوفتها انها مخالفه او مش مظبوطه
يا تكلم الاستاذ المحترم المشرف على القسم فى رسالة خاصة وتناقشه
لكن تعملى موضوع وتقول فيه يا تظبطوا القسم يا نجيب مشرفين مش مدرسين غيركم
يعنى ايه هم شغالين عندك وبتخيرهم ما بين انهم يشوفوا شغلهم يا ترفدهم
ركز فى كلامك وراجعه قبل ما تقوله
احنا كلنا فريق عمل على الموقع ومحدش احسن من حد
واديك شوفت رد مستر منتصر لما قرأ كلامك
قالك ببساطه مع السلامة مش عايزكم
هو مين اللى بشرف على قسم الكادر
مش مدرسين وبيشتغلوا فى القسم التعليمى
يعنى اسلوب التعامل يختلف معاهم علشان زودوا شغلهم على الموقع من خدمة الطلاب الى خدمة اخوانهم المدرسين المفروض يكون الاسلوب اكثر احتراما وتقديرا وليس ان تجعل بعض المشرفين الاصدقاء لك الذين هم طلاب وليس كبار او حتى تخرجوا مالجامعبقمون بالرد والاستفزاز للمعلمين ويتدخلوا فى شئون المعلمين الكادر هو المعلم وليس مملكة خاصة وبفضله اصبح منتداك فى هذة المكانة الرفيعة فباى حق تقوم بحذف موضوع بذلت فيه من وقتتى وجهدى لخدمة المعلمين ساعات متواصلة . بحجة عدم ملائمته للكادر او تدرك حقا ما هو كادر المعلم وماذا يدعو اليه وماذا بعنى وما الموضوعات المرتبطة به ؟ ؟
وانا بقول لحضرتك شكرا على هذا التكريم الكبير من السادة اصحاب المنتدى على ما بذلته من جهد وتعب لرفعه منتداهم بفضل الصفحة الكادر وصل الى ما وصل اليه من مركز مرموق بين المنتديات فلو نظرت الى احصائيات زوار اقسامك فسوف تجد ان صفحة الكادر كانت اكثر الصفحات زوارا واكثرها موضوعات هامة يسعى معلمى مصر عامة للاطلاع عليها ولكنك واسفاه انصعت لشوية كلام من بعض اعداء النجاح الذين لا يفقهون معنى النجاح . من فضلك علانية الغى كافة موضوعاتى فى منتداك
امال عبد الهادى
|